Harry Kane ka refuzuar Bayern Munichin, por dy gjigantë evropianë mbeten në garë

Një nga sulmuesit më të mirë në botë, Harry Kane, ka refuzuar transferimin te Bayern Munich dhe po i afrohet një transferimi te Manchester United.

Sipas Bild, golashënuesi më i mirë në historinë e Kombëtares së Anglisë dhe Tottenhamit iu kthye përgjigje Bayern Munichut duke i thënë se nuk është i interesuar të veshë fanellën e gjigantit bavarez sezonin e ardhshëm, edhe pse do të ishte garanci për të fituar një trofe, çfarë i mungon në karrierën e tij të pasur individuale.

Megjithatë, kjo nuk do të thotë se kapiteni i Anglisë do të qëndrojë në Tottenham.

Kane përfundoi një sezon në të cilin ai vendosi rekorde të shumta, pas të cilit ai ka shumë të ngjarë të largohet nga klubi po hyn në vitin e fundit të kontratës së tij.

Më i afërti për ta sjellë atë është Manchester United, dhe thuhet se kjo është dëshira e Kane pasi dëshiron të qëndrojë në Angli dhe të kalojë të vetmin njeri që është përpara tij në listën e golashënuesve më të mirë të të gjitha kohërave në Ligën League, Shearerin.

Lexo po ashtu Kane i thotë kryetarit të Tottenhamit ta shesë te Man Utd

Kalimi i Kane te Manchester United është një opsion shumë real, ndërsa pas tyre në listë është Real Madridi, pasi Karim Benzema ka gjasa të largohet nga “Santiago Bernabeu”.

Këto janë dy klubet e vetme me shanse reale për të përballuar yllin e Tottenhamit në afatin kalimtar të ardhshëm.

Edhe pse anglezi dëshiron të qëndrojë në Ligën Premier, ftesa e Real Madridit nuk do të refuzohej dhe nëse Benzema largohet nga Klubi Mbretëror, Kane do të ishte opsioni më i mundshëm për pasardhësin e tij.

Lexo po ashtu Kështu do të duket Real Madridi pa treshen Benzema, Modric dhe Kroos: Ancelotti do të bëjë tri transferime spektakolare

Pronari i Tottenhamit, Daniel Levy gjithashtu duket se më në fund është penduar, pasi nuk donte të shiste yllin e tij më të madh te Manchester City verën e kaluar për më shumë se 100 milionë euro, pasi tani çmimi ka rënë në 80 milionë./Telegrafi/