Kryeministri Ramush Haradinaj ka zbuluar detaje nga marrëveshja që Qeveria e Kosovës do të nënshkruajë, këtë të mërkurë, me kompaninë amerikane “Contour Global” për ndërtimin e Termocentralit “Kosova e Re”.
Haradinaj thotë se marrëveshja siguron investime të konsorciumit amerikan prej 1.3 miliard euro, që do të jetë investimi më i madh i huaj. Qeveria do t’i sigurojë “Contour Global” kthimin e investimit 18.5 për qind dhe jo 24 për qind sa ishte negociuar nga Qeveria e kaluar.
Ashtu sikur ka paralajmëruar opozita dhe disa organizata të shoqërisë civile, kreu i Qeverisë e pranon se energjia elektrike do të shtrenjtohet.
“Rritja e energjisë elektrike është e pashmangshme; është e çmimeve të tregut, jo vetëm në Kosovë, por edhe në botë. Por nuk ndikon kjo kontratë në rritjen e çmimit dmth kur prodhojmë me kapacitete të vjetruara si sot, dhe nuk kemi mundësi t’i përmbushim kërkesat tona, ne blejmë rryme mbi 100 euro megavatin. Ndërsa me kontratën e re është rreth 70 euro çmimi i megavatit”, tha Haradinaj, në një intervistë për EkonomiaOnline.
“Organi rregullativ i tregut të energjisë e ka paraparë një rritje fare pa ndodhë investimi; nuk e kanë ditur që do të jetë kontrata e arritur”.
I pyetur se a do të bëhet publike krejt marrëveshja dhe kostoja financiare, Haradinaj, tha se “E kemi për nder me ba publike marrëveshjen”.
“Dy-tre elemente t’ju them. Kjo është pare e jashtme, nuk investon Kosova asnjë cent. Ta keni parasysh, është krejtësisht investim i huaj, i pari që ndodhë në Kosovë. I tillë është rreth 1 miliard e 300 milionë euro investim i huaj”, ka theksuar ai.
Qeveria e Kosovës thotë se TC “Kosova e Re” do të ndërtohet me teknologji superkritike dhe koeficient të eficiencës 40%, duke reduktuar dukshëm emetimet e gazrave.
“Kjo është teknologjia më e re, më e mbrama. Koeficienti maksimal në pastërti është 42, kurse ne e kemi 40, pra nuk ka më lartë. Jemi në teknologjinë më të avancuar”, shprehet Haradinaj.
Pas finalizimit, ky projekt me kapacitet prej 500 MW thuhet se do të sigurojë pavarësinë energjetike të Kosovës.
Krahas kësaj, kryeministri thekson rëndësinë që ky investim ka për tërheqjen e investimeve të tjera të huaja.
“Kjo e ndryshon krejtësisht situatën me Kosovën dhe me investitorët. Në momentin kur kompania është e listuar në Premium bursë të Londrës, e nxjerr këtë kontratë, atëherë krejt pamja e Kosovës tek investitorët me kredibilë, më seriozë në botë ndryshon. Dhe kjo është një shenjë e mirë për Kosovën”.
Sipas tij, arritja e marrëveshjes është rezultat i punës shumëvjeçare të qeverive të Kosovës, i shumë njerëzve e ekspertëve. Por, një meritë të madhe ia lë vetes.
“Në fakt, unë e kam kryer një punë që me vjet të tërë, qe 15 vjet rri nëpër tavolina të Kosovës. E kemi kryer një punë që nga 24 për qind që ka qenë në ekuitet (garantimi i kthimit të fitimit për kompaninë), kurse tani është 18.5 për qind. Dhe ia kam dhanë Kosovës një situatë krejt të re, krejt tjetër. Me këtë nuk mburrem vetëm unë, por kanë punuar breza e breza për këtë punë”.
“E faleminderit që e kemi qymyrin, sepse pa qymyr nuk kish ndodhë. Por është shumë me rëndësi që e kemi marrë një investim të tillë”, thekson kreu i Qeverisë.
Në këtë intervistë, kryeministri Ramush Haradinaj flet dhe për 100-ditëshin e Qeverisë së tij, kur do të mund të lëvizin kosovarët pa viza, kur do të krijohet Asociacioni i Komunave Serbe, marrëdhëniet me Brukselin e tema të tjera. Intervista e plotë publikohet të dielën. /EO/
Lufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Abonohu në Shqip.ai - Zbulo pakot e reja të çmimeve
Si t’i japim vlerë partneritetit në biznes?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes