Kryeministri i Republikës së Kosovës, Ramush Haradinaj, ka pritur në takim përshëndetës ambasadorin norvegjez, Per Strand Sjaastad.

Sipas njoftimit për media, Haradinaj e ka falënderuar për përkrahjen e madhe të Norvegjisë dhe për angazhimin e tij të shkëlqyer në avancimin e raporteve mes dyja shteteve.

Haradinaj shprehu përkushtimin e Kosovës për zgjerimin e bashkëpunimit bilateral në shumë fusha, me theks të veçantë në ekonomi.

Ndër të tjera në raport thuhet se kryeministri Haradinaj e ka njoftuar diplomatin norvegjez me proceset tjera politike e zhvillimore në Kosovë, si dhe për rezultatet e matshme në fuqizimin e sundimit të ligjit.

Ai theksoi përkushtimin e Qeverisë së Kosovës për fuqizimin e subjektivitet ndërkombëtar, për proceset integruese evropiane, si dhe avancimin e marrëdhënieve të mira me të gjitha shtetet fqinje në funksion të paqes dhe stabilitetit rajonal.

Reklama
Reklama

Ndërsa ambasadori norvegjez Per Strand Sjaastad e falënderoi kryeministrin Haradinaj për pritjen, duke theksuar se Norvegjia do të jetë edhe në të ardhmen përkrahëse e sinqertë e Kosovës./Telegrafi/