Haradinaj: Bashkatdhetarët edhe këtë vit do ta gjejnë Kosovën larg pritjeve të tyre

Kryetari i Aleancës për Ardhmërinë e Kosovës (AAK), Ramush Haradinaj, ka thënë se bashkatdhetarët edhe këtë vit do ta gjejnë Kosovën larg pritjeve të tyre.

Haradinaj përmes një postimi në Facebook shkruan se Kosovës i duhet ndryshimi në qeverisje.

“Mirë se vini në vendlindjen tuaj vëllezër e motra! Do të donim shumë që këtë verë ta gjenit Kosovë ashtu siç e ëndërroni, por për fat të keq akoma është larg pritjeve tuaja. E di që kur të vini do të donit që Kosova të jetë sikur ai vendi prej nga vini e që të mos përballeshit as me kolonat e gjata e as me pluhurin e rrugët e pakryera për qytetet e lindjes si p.sh: për Gjilan, për Pejë, për Gjakovë, për Podujevë, për Mitrovicë e kështu me radhë, të cilat qeveria jonë i ka lënë përgjysmë, si edhe shumë punë të tjera.

Ju jeni gjysma jonë dhe asnjëherë nuk do të jeni mysafirë dhe sukseset e dështimet i kemi përbashkëta. Ju presim me bukë e krypë e zemër e ju urojmë pushime të mira në vendlindje. Të tjerat mos ja u falni e mos u besoni fjalëve të mira por boshe edhe një herë. Kosova dhe ju meritoni më mirë!…”, shkruan Haradinaj. /Telegrafi/