Hamilton drejtoi një Pagani Zonda edhe pse premtoi se do të përdorte vetëm vetura elektrike

Kampioni aktual dhe udhëheqësi në renditjen e shoferëve të Formula 1, shoferi britanik i Mercedes Lewis Hamilton.

Në një intervistë me Reuters në shtator të vitit 2020, Hamilton theksoi dëshirën për të qenë më të ndërgjegjshëm për mjedisin dhe për të provuar të zvogëlojë gjurmën e madhe të karbonit të krijuar nga makinat e Formula 1.

Përveçse u bë vegan dhe shiti aeroplanin privat, Hamilton dëshiron të ngasë vetura elektrike. Ai i tha reuters se nuk drejton më asnjë veturë me fuqi konvencionale që ai posedon, por përdor Mercedes-Benz EQC elektrike, Smart EQ ForTwo dhe automjete të tjera elektrike, por ai ende duket se ka “rrëshqitur”.

Hamilton është parë duke drejtuar super veturën unike Pagani Zonda 760 LH, transmeton Telegrafi.

Pilotët e Formula 1 janë në një pushim trejavor, i ndjekur nga një garë për Çmimin e Madh të Belgjikës më 29 gusht. Hamilton ka disa ditë për të shijuar, dhe Monaco është destinacioni i tij. Ishte në Monako që ai u pa pas timonit të Zondës së tij.

Ai tha më herët se kjo veturë është “e tmerrshme për të drejtuar”, por se ka zërin më të mirë. Ai zbuloi se ai zgjodhi versionin me transmetimin manual, nuk i pëlqente Tiptronic.

Në mbrojtje të tij, Lewis nuk e drejton këtë makinë shumë shpesh, e cila mundësohet nga një motor V3 atmosferik 7.3 litra me 760 kuaj/fuqi, dhe arsyeja është paraqitja e tij e dendur. /Telegrafi/