Hamasi “nuk do ta qeverisë kurrë më Gazën”, thotë këshilltari i Trump për sigurinë

Këshilltari më i lartë i Donald Trump për sigurinë kombëtare tha të dielën prerazi se militantët e Hamasit nuk do ta qeverisin më kurrë Gazën.

“Ata nuk mund të jenë më një organizatë terroriste dhe nuk do ta qeverisin kurrë Gazën”, citohet të ketë thënë Mike Waltz në “State of the Union” të CNN.

Waltz, një ish-anëtar i Kongresit dhe veteran i dy turneve luftarake në Afganistan, po fliste vetëm disa orë pasi një armëpushim i negociuar prej kohësh hyri në fuqi në territorin e shkatërruar palestinez.

Dhe pavarësisht nga pasiguria e konsiderueshme mbi mënyrën se si zhvillohet armëpushimi – dhe si mund të sigurohet rimëkëmbja dhe stabiliteti afatgjatë i Gazës – Waltz shprehu optimizëm të kujdesshëm.

“Shikoni, Izraeli do të bëjë atë që duhet të bëjë për t’u siguruar. Dhe Shtetet e Bashkuara, nën administratën Trump, do t’i mbështesin ata – që Hamasi të mos qeverisë më kurrë Gazën”, tha ai.

Analistët thonë se do të duhet diplomaci intensive, e zgjatur dhe e fokusuar për të krijuar një të ardhme të qëndrueshme dhe paqësore për Gazën, por Waltz tha se Trump kishte aftësinë për të ndihmuar që kjo të ndodhë. /Telegrafi/