0Shares

Punonjësi i marketit duke u munduar t’i kundërvihet hajnit, është therur dy herë në qafë nga një hajn që u mundua t’ia merr paratë nga arka.

Zabbiullah Amiri ishte kacafytur me William Lauchlan brenda një marketi në Paisley të Skocisë, derisa ky sulmues e goditi me dy shishe të verës dhe e theri në qafë, transmeton Telegrafi.

37-vjeçari Lauchlan kishte nxjerrë thikën mbi 15 centimetra, duke e goditur dy herë në qafë punonjësin i njohur si Zabbi.

Ky moment është filmuar nga kamerat e sigurisë, kurse 32-vjeçari Zabbi edhe përkundër plagëve të marra ka arritur ta mbajë të ngujuar në market sulmuesin derisa në vendin e ngjarjes u shfaq policia.

Lauchlan është arrestuar dhe dënuar me 25 muaj burgim për sulmin brutal që ndodhi më 19 korrik ka njoftuar policia skoceze.

Ndërkaq, Zabbi që me prejardhje është nga Afganistani, është dashur që për plotë një muaj të qëndrojë i shtrirë për shkak të plagëve me thikë. /Telegrafi/

Të Ngjajshme
Shfaq Komentet (0)