Guardiola ka gjetur pasardhësin afatgjatë të Kyle Walker, ai po shkëlqen këtë sezon në Gjermani

Manchester City raportohet se ka identifikuar pasardhësin afatgjatë të Kyle Walker dhe ai është një lojtar i cili ka dalur nga akademia e tyre.

Ëalker ka qenë njëri ndër lojtarët më të mirë në Ligën Premier në pozicionin e tij për më shumë se 15 vite ku ka veshur edhe fanellën e Tottenhamit.

Shpejtësia e tij ishte një ndër atributet kryesore të lojës së tij, ndërsa edhe në aspektin defanziv ai është përmirësuar dukshëm me kalimin e viteve.

Sipas asaj që raporton The Sun, Guardiola ka identifikuar yllin e Leverkusenit, Jeremie Frimpong si zëvendësues afatgjatë të Walkerit.

Reprezentuesi holandez ka shkëlqyer këtë sezon nën urdhrat e Xabi Alonsos, duke shënuar tetë gola dhe duke dhuruar shtatë asistime në Bundesliga.

Aftësitë e tij defanzive ishin vënë në pikëpyetje në të kaluarën, veçanërisht nga përzgjedhësi i Holandës, Ronald Koeman, por Guardiola ka dëshmuar se ai mund të stërvitë lojtarë dhe t’i ndihmojë ata të përmirësojnë aspekte të caktuara të lojës së tyre.

Lexo po ashtu Guardiola lavdëron një futbollist të Arsenalit: Ata janë shumë të mirë me të

Tekniku spanjoll e njeh mirë Frimpongun, pasi ai ka kaluar plotë nëntë vite në akademinë e Man Cityt mes viteve 2010 dhe 219.

Raporti shton tutje se Frimpong ka një klauzolë lirimi prej 35 milionë eurosh dhe kjo mund ta detyrojë Cityn që të bëjë biznesin e tyre më herët, pasi ka edhe klube të tjera në garë për shërbimet e lojtarit./Telegrafi/