Grupi i punës për ndryshimet kushtetuese në RMV sot do të mbajë mbledhje

Grupi i punës i formuar pranë Ministrisë së Drejtësisë me detyrë për përgatitjen e Propozim nismës për nevojën për ndryshime të Kushtetutës sot do të mbajë mbledhje.

Siç informoi Ministria Drejtësisë, gjaët firmimit tëp grupit, pasi të përgatiten ndryshimet, propozimi do t’i kalojë të gjitha trupat e punës në kuadër të Kuvendit, ndërsa paralelisht me punën e grupit do të mbahen edhe debate profesionale dhe publike në të cilat ekspertë, parti, organizata qytetare dhe institucione të tjera do të mund t’i thonë qëndrimet e veta. Është paraparë propozuese zyrtare e ndryshimeve kushtetuese të jetë Qeveria.

Kryeministri Dimitar Kovaçevski dje porositi se Grupi i punës për ndryshimet kushtetuese ka për obligim t’i përgatisë ndryshimet e Preambulës së Kushtetutës në pajtim me kornizën negociuese, duke shtuar se ai është obligim, i cili është imperativ dhe punë e themelore e tij.

Mickoski të martën në kavadar deklaroi se është “i shqetësuar nga informatat që i merr” se Grupi i punës nuk punon vetëm në futjen e “pakicës minimale bullgare” në Preambulën e Kushtetutës, por edhe për ridefinimin e plotë të vendit si shztet i dy popujve.

Grupin e ekspertëve e përbëjnë Margarita Caca Nikollovska – ish-gjyqtare në Gjykatën evropiane për të drejta të njeriut në Strasburg, e cila është edhe kryetare e tij, ndërsa anëtarë janë Sali Murati – ish-kryetar i Gjykatës kushtetuese, Bajram Pollozhani – ish-gjykatës kushtetues dhe profesor i së drejtës kushtetuese, Brnako Naumovski – ish-kryetar i Gjykatës kushtetuese, Jeton Shadivari – profesor në Universitetin e EJL-së, Ana Çupeska – profesoreshë në Fakultetin juridik “Justiniani i Parë”, Elena Mihajllova Stratilati – profesoreshë në Fakultetin juridik “Justiniani i Parë”, Besa Arifi – profesoreshë në Universitetin e EJL-së, Jagoda Mitrevska – profesoreshë në Universitetin ndërkombëtar sllavjan dhe Maria Pandevska – profesoreshën në Institutin për histori nacionale.

Nga Ministria e Drejtësisë paralajmëruan edhe se lista e anëtarëve të Grupit të punës do tëp plotësohet në periudhën në vijim edhe me ekspertë tët jerë të cilët do të japin kontributin në përgatitjen e ndryshimeve kushtetuese.