“Grup i Vdekjes” mund të ketë edhe për Manchester Cityn në fazën e zjarrtë të Ligës së Kampionëve

Manchester City mund të përballet me një makth në fazën e grupeve të Ligës së Kampionëve, pasi shorti hidhet të enjten – pavarësisht se është në vazon 1.

Skuadra e Pep Guardiolës shpërblehet me një vend në vazon e parë pas fitimit të Ligës Premier, ndërsa skuadrat e tjera angleze si Chelsea, Liverpool dhe Tottenham janë në vazon 2.

Qytetarët nuk e kanë fituar kurrë garën më të madhe të Evropës për klube – duke humbur finalen e 2021-ës dhe më pas duke u eliminuar në mënyrë spektakolare me kampionët aktual, Real Madridi sezonin e kaluar.

Lexo po ashtu Chelsea në Vazo 2: Blutë mund të kenë kundërshtarë të fortë në fazën e grupeve të Ligës së Kampionëve

Fatmirësisht për Guardiolën, ata nuk mund të përballen me titullarët në një përsëritje të gjysmëfinales së tyre pasi kampionët spanjollë dhe evropianë janë gjithashtu në vazon 1.

Cityt dhe Realit i bashkohen në vazon 1 kampionët e Ligës së Evropës, Eintracht Frankfurt, si dhe klubi numër 1 i UEFA-s, Bayern Munich dhe fituesit e tjerë të ligave si, Milan, Paris Saint-Germain, Porto dhe Ajax – pa skuadra ruse të lejuara.

City nuk mund të përballet me ekipet angleze si Chelsea, Liverpool apo Tottenham, por emri i spikatur i Vazo 2 është Barcelona.

Vazo 2 është e mbushur me shumë skuadra të rrezikshme, megjithatë, me Cityn në rrezik të përballjes me Juventus, Atletico Madrid, Sevilla ose RB Leipzig.

Ndoshta skuadra më e fortë në Vazon 3 është Interi.

Ekipet në vazon 3 janë pothuajse të gjitha të përfunduara – me Benfikën që mund të jetë aty, në rast se fiton ndaj Dynamo Kievit në play-off.

Borussia Dortmund, Red Bull Salzburg, Napoli dhe Sporting Lisbona janë ndër skuadrat e tjera në Vazon 3.

Dhe për të kompletuar grupin e vështirë, Manchester City mund të duhet të luajë me Marseillen.

Lexo po ashtu Liverpooli mund të jetë në "Grupin e Vdekjes" në shortin e Ligës së Kampionëve

Vazo 4 do të përfshijë patjetër Celtic dhe Club Brugge.

Vendet e mbetura do të plotësohen këtë javë deri në raundin final të play-off-it me Rangers, PSV Eindhoven, Kopenhagen dhe Red Star Beograd që shpresojnë të kualifikohen – në vend që të bien në Ligën e Evropës.

City do t’i zbulojë kundërshtarët e tyre me shortin që do të hidhet në Stamboll – ku do të luhet finalja e 2023 – në orën 17:00 të së enjtes. /Telegrafi/