Mesfushori i Juventusit, Paul Pogba, është suspenduar për katër vjet nga futbolli për shkak të dopingut.
Pogba kishte rezultuar pozitiv për testosteron pas ndeshjes Udinese-Juventus më 20 gusht 2023, ndeshje në të cilën lojtari mbeti në stol.
Nga ajo kohë, francezi u dënua për mos prezencë në fushat e blerta, por tani është marrë dënimi përfundimtar.
Foto: Paul Pogba / Instagram
Lidhur me këtë vendim, ka reaguar së fundmi gruaja e Pogba-s, Zulay e cila nuk hezitoi të dilte në mbështetje të bashkëshortit të saj futbollist.
“E vërteta do të mbizotërojë gjithmonë, mbreti im, qëndro i fortë siç ke qenë gjithmonë”, shkroi ajo.
Foto: Zulay Pogba / Instagram
Vlen të theksohet, se mesfushori i Juventusit planifikon të apelojë vendimin sipas një deklarate të publikuar të enjten pasdite, raporton The Sun.
Juventusi ende nuk ka reaguar për situatën, por sipas raportimeve thuhet se ekipi po përgatitet të përfundojë kontratën.
Foto: Zulay dhe Paul Pogba / Instagram
Ky dënim i Pogba-s, do të mund të nënkuptonte edhe përfundimin e karrierës së lojtarit, duke qenë se deri atëherë ai do të bëhej gati 35 vjeç. /Telegrafi/
