Greenwood ka plan për transferimin e ardhshëm nëse i përfundohet kontrata me Man Utd

Mason Greenwood thuhet se tashmë ka një plan për transferimin e tij të ardhshëm nëse Manchester United vendos të ndërpresë lidhjet me lojtarin.

21-vjeçari anglez kishte akuza për tentativë përdhunimi, sulm dhe kontroll shtrëngues kundër tij, por këto akuza u hodhën poshtë këtë javë nga Shërbimi i Prokurorisë së Kurorës.

Megjithatë, ai tani është nën një hetim të brendshëm të udhëhequr nga drejtori i Unitedit, Richard Arnold, ndërsa klubi vendos për të ardhmen e sulmuesit.

Lexo po ashtu Bien akuzat kundër Mason Greenwood, sulmuesi i Man Utd shpallet i pafajshëm

Sipas The Sun, situata e Greenwood ka ndarë opinionet mes drejtuesve të klubit.

Është raportuar se Greenwood nuk donte të luante më për Unitedit pasi ata e pezulluan atë pas arrestimit të tij në janar 2022.

Për më tepër, besohet se lojtari është gati të largohet nga Anglia për të ringjallur karrierën e tij.

Lexo po ashtu Mason Greenwood reagon për herë të parë pas heqjes së të gjitha akuzave kundër tij

“Ai tha se do të ishte i lumtur të shkonte dhe të luante në Kinë për sa kohë që kjo do të thoshte se ai paguhej mirë dhe po luante”.

“Pikëpamja e tij mund të jetë zbutur gjatë muajve të fundit, por ai nuk ishte aspak i lumtur”, ka thënë një burim për The Sun.

Është raportuar gjithashtu se Greenwood do ta kishte të vështirë të përballonte trajtimin që tifozët rivalë do të drejtojnë ndaj tij nëse ai vazhdon të luajë në Angli. /Telegrafi/