“Grammy Awards 2021” shtyhet për shkak të pandemisë coronavirus

Evenimenti “Grammy Awards 2021” është shtyrë për një datë të pacaktuar për shkak të pandemisë coronavirus.Rolling Stone ka raportuar se organizatorët janë duke bërë të pamundurën për të caktuar datën e radhës, shkruan Daily Star.

Ani pse ende nuk ka asgjë zyrtare, në mediat ndërkombëtare po flitet se evenimenti mund të mbahet në mars.

Po ashtu ishte e planifikuar që në shfaqje të merrnin pjesë vetëm të nominuarit dhe prezantuesit, duke mbajtur kështu distancën sociale.

Në listën e të nominuarve këtë vit kanë dominuar tre artistet si Beyonce, Taylor Swift dhe Dua Lipa.

Këngëtarja shqiptare zuri vend në gjashtë kategori, tre prej tyre më të rëndësishmet. /Telegrafi/