Krahasuar me Gostivarin, në komunën e Tetovës, sipas të dhënave të vitit 2011, nga 15.536 të punësuar, shqiptarë janë 6.087, pra diku rreth 30 për qind. Shifra është shumë më e vogël edhe pse nga 90 mijë banorë të Tetovës, 2/3 e tyre - 60 mijë - janë shqiptarë.
Ekipi i televizionit Alsat-M, tre herë tentoi që të merrte prononcim nga kryetarja e komunës së Tetovës mbi çështjen e përfaqësimit, por nuk arriti dot, me arsyetimin se ajo ishte tejet e ngarkuar me përgatitjet e ngjarjeve festive të nëntorit. /Alsat-M/
