Gorani: Nuk jam penduar që isha këshilltar i Thaçit

Dukagjin Gorani, që për katër vjet ishte këshilltar i ish-kryeministri Thaçit, tash anëtar i Vetëvendosjes, ka treguar për periudhën e tij pranë Thaçit.

Angazhimin e tij pranë ish-kryeministrit Thaçit, Gorani e sheh si përpjekje të jetë i efektshëm.

“Angazhimin tim e shoh si nifar përpjekje për të qenë i nevojshëm, për të qenë i efektshëm në ofrim të ndonjë opsioni të mundshëm në këshilltari, në komunitete jo-shqiptare e shoqëri cilivle”, ka thënë ai në “Interaktiv” të KTV-së, transmeton Koha.net.

Posti i këshilltarit, sipas Goranit, ka qenë më shumë si kozmetikë që është dashur të jetë dhe formale, e jo marrje e mendimeve nga ai që duhet këshilluar.

“Ka qenë periudhë që nuk është kuptuar si këshilltari, vetëm si kozmetikë. Ka qenë qasje formale, nuk ka mundur”, ka shtuar Gorani, i cili thotë se nuk është penduar për atë kohë të kaluar si këshilltar.

Ndërsa, angazhimin e Thaçit si president, për nxjerrjen e vendit nga bllokada, ai e sheh si të pamundur.

“Jo nuk mundet ai. Presidenti Thaçi e ka provuar imazhin e vet përmes veprimeve dhe qëndrimeve politike të anshëm, dhe nuk mundet”, ka përfunduar Gorani.