‘GOAT për një arsye’ – faqja e La Ligës publikoi rekordet e Messit në ligë

Lionel Messi ka vazhduar me paraqitjet e tij impresionuese për këtë edicion dhe kjo u pa edhe në fitoren 6-1 të Barcelonës ndaj Real Sociedadit.

Ylli argjentinas shënoi dy herë në këtë takim, derisa prodhoi edhe një asistim për Sergino Dest, duke bërë edhe më fantastike statistikat e tij për këtë sezon.

Me 33-vjeçarin që po shkëlqen, Barcelona është duke i bërë presion Atletico Madridit për vendin e parë.

Një video rreth dy minutash, tregon më së miri paraqitjen e gjashtë herë fituesit të Topit të Artë ndaj Sociedadit dhe është për t’u mahnitur.

Më pas, La Liga postoi edhe disa statistika të Messit, duke e përshkruar atë si më të mirin e të gjitha kohërave (GOAT)  në sportin më të ndjekur në botë.

Rekordet e Messit në La Liga:

Më së shumti gola

Më së shumti asistime

Më së shumti fitore

Më së shumti het-trike

Më së shumti gola të shënuara ndaj skuadrave kundërshtare

Më së shumti gola brenda një edicioni

Më së shumti paraqitje te Barcelona

Më së shumti çmime të fituara si lojtar i ndeshjes. /Telegrafi/