Angela Griep, shefe për Informim dhe Komunikim me Publikun në Dhomat e Specializuara të Kosovës (DhSK), ka njoftuar se më 16 gusht, trupi gjykues ka urdhëruar vazhdimin e paraburgimit për Hashim Thaçin dhe Kadri Veselin.
Griep tha se trupi gjykues ka konstatuar se ekziston rrezik i mjaftueshëm që Thaçi dhe Veselit të pengojnë ecurinë e procesit dhe të kryejnë krime të tjera.
Sipas saj, trupi gjykues ka konstatuar se komunikimet mund të kufizohen në një mënyrë që zvogëlon mjaftueshëm këto rreziqe vetëm me anën e zbatimit të kornizës për monitorimin e komunikimeve që përdoret në objektin e paraburgimit të Dhomave të Specializuara.
Ndërsa, njoftoi se seancat në këtë çështje gjyqësore do të vazhdojnë më 28 gusht.
Griep ka dhënë informacione edhe për çështjen gjyqësore Pjetër Shala, ku tha se kryetarja e DhSK-së ka caktuar Panelin e Dhomës së Specializuara të Gjykatës Kushtetuese më 14 korrik që të vendosë në lidhje me kërkesën referuese nga Shala, e dorëzuar më 11 korrik, ku pretendon shkelje të të drejtave të tij themelore, transmeton Betimi për Drejtësi.
E njëjta, bëri të ditur se ky panel përbëhet prej gjykatësve Vidar Stensland, Roumen Nenkov dhe Romina Inkuti.
Ndërkaq, tha se kërkesa referuese ka të bëjë me konstatimin e trupit gjykues se deklaratat që Shala i dha policisë belge në 2016 nuk janë të papranueshme.
Griep gjithashtu njoftoi se më 20 korrik, trupi gjykues urdhëroi vazhdimin e paraburgimit ndaj Pjetër Shalës, duke shtuar se është konstatuar se ekzistojnë arsye të artikulueshme për të besuar se vazhdon të ekzistojë rreziku i pengimit të ecurisë së procesit dhe rreziku i kryerjes së krimeve të tjera.
Kurse, për këtë çështje gjyqësore, Griep tha se seancat rifillojnë të hënën, më 21 gusht, me paraqitjen e provave nga mbrojtësi i viktimave.
Krejt në fund, e njëjta ka njoftuar se më 1 gusht Paneli i Gjykatës Supreme hodhi poshtë kërkesën e Hysni Gucati për vizitë nën ruajtje në Kosovë.
Ajo tha se Paneli i Gjykatës Supreme shqyrtoi një sërë faktesh gjatë marrjes së vendimit, dhe filloi duke theksuar se nuk ekziston e drejta për vizitë nën ruajtje për arsye humanitare bindëse, veçanërisht në raste kur personi është shpallur fajtor me aktgjykim të formës së prerë.
Sipas saj, Paneli ka vënë në dukje se që nga maji 2022, Gucati e kishte vizituar nënën e tij pesë herë. Vizita e pestë në mars 2023 u miratua pasi ishte shpallur fajtor me aktgjykim të formës së prerë nga Paneli i Apelit dhe ai po vuante dënimin, që përfundimisht do të thotë humbjen e lirisë.
Griep tha se në atë kohë vizita u miratua për shkak të rrethanave urgjente, të jashtëzakonshme dhe bindëse lidhur me shëndetin e nënës së tij.
Promo
Reklamo këtuLufta Prigozhin - Putin
Më shumëNga Rubrika
Zhdukja e nënës me tre fëmijët në Shkodër, policia arreston bashkëshortin – dyshohet të jenë mbytur për shkak të dhunës
Prokuroria Themelore Kavadar nis procedurën për dyshim të pengimit të zyrtarit
Ngjarje e rëndë në Shkodër, nëna bashkë me tre fëmijët rezultojnë të zhdukur – dyshohet se janë mbytur
Rrahet anketuesi i regjistrimit të popullsisë, policia arreston tre të dyshuarit në Pejë
Zbardhet vrasja e çiftit në Dropull, policia: Autori, bashkëfshatar i tyre
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Deputetja Krasniqi: Masat ndaj Kosovës u vendosën për shkak të qeverisë, drejtuesit e saj kanë mbetur të izoluar
Prishtinë, një shtetas i Shqipërisë hyn në dhomën e një hoteli dhe kryen vjedhje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak