Gjithçka e kryer mes Real Madridit dhe Davies – Calfat dhe Sanchez kompletuan marrëveshjen

Real Madrid thuhet se ka arritur marrëveshje me Alphonso Davies që mbrojtësi i Bayern Munichut t’u bashkohet atyre.

The Athletic raporton se Davies ka rënë dakord të bashkohet me Los Blancos të Carlo Ancelottit në 2024 ose 2025. Shefi skaut i Madridit – Juni Calafat dhe drejtori i përgjithshëm Jose Angel Sanchez diskutuan me kampin e kanadezit dhe i kërkuan atij të mos e zgjaste kontratën me bavarezët.

Mbrojtësi 23 vjeç ka qenë një nga objektivat kryesore të Real Madridit drejt merkatos së verës. Ai gjithashtu ka zgjuar edhe interesimin nga Barcelona dhe klubet e Ligës Premier, por preferenca e tij ka qenë të shkojë në Santiago Bernabeu.

Lexo po ashtu Sa paguhen në javë dhe sezon yjet e Real Madridit, befasuese se kush e përbën top 15-shen

Los Merengues tani do të rregullojë një marrëveshje me Bayernin që do të jetë nën vlerën e tij të tregut. Kjo është nëse ata synojnë të rregullojnë ardhjen e tij këtë verë në vend që të presin që kontrata e tij të përfundojë vitin e ardhshëm.

Gjigantët e Bundesligës janë ende duke u përpjekur ta bindin Davies të nënshkruajë një marrëveshje të re. Por, nëse nuk munden, nuk duan ta humbasin falas dhe do të kërkojnë të maksimizojnë një tarifë për të këtë verë nëse ai nuk e vendos lapsin në letër për një rinovim.

Davies konsiderohet si një nga mbrojtësit e majtë më të mrekullueshëm dhe emocionues në Evropë. Reprezentuesi kanadez ka bërë 180 paraqitje në të gjitha garat gjatë kohës së tij në Allianz Arena, duke shënuar nëntë gola dhe 28 asistime. /Telegrafi/