Gjira: Bashkëshorti nuk ma ka ndaluar të merrem me muzikë, është një keqinterpretim i bërë nga mediat

Reperja e njohur shqiptare, Gjira Kajtazi, dikur ishte pjesë aktive e tregut muzikor shqiptar.

Por befas ajo u tërgoq nga skena pesë vite më parë dhe që prej atëherë nuk ka publikuar ndonjë projekt të ri muzikor më.

Përgjatë këtyre viteve ka pasur zhvillime në jetën e reperes shqiptare, kjo pasi ajo është martuar dhe është bërë nënë për herë të parë.

https://www.instagram.com/p/B_vVi35qG_6/

Në një intervistë të rrallë të dhënë së fundmi për emisionin “Ftesë në pesë”, Gjira ka treguar se si është keqkuptuar arsyeja e largimit të saj nga muzika.

Ajo thotë se mediat por edhe njerëzit në përgjithësi kanë krijuar përshtypjen e gabuar sikurse bashkëshorti i saj, ka qenë ai që e ka ndaluar të merret me muzikë.

“Arsyeja pse jam shkëputur ka qenë komplet tjetër arsye, sepse nuk e kam partnerin tip xheloz që ma ka ndalu apo diçka, kjo është totalisht diçka shpesh e keqinterpretuar nga mediat dhe më vjen keq që ka dhënë atë përshtypje. Ai madje ka një profesion që unë si femër duhet të jem pak xheloze, pasi është futbollist – por që nuk e kam atë xhelozi sepse jemi të dy shumë liberalë”, ka thënë rep-artistja përgjatë emisionit, referuar bashkëshortit të saj.

https://www.instagram.com/p/B-AbKStqcfv/

Gjira dhe bashkëshorti i saj përndryshe jetojnë prej vitesh në Duseldorf të Gjermanisë dhe kanë së bashku një djalë të quajtur Maël. /Telegrafi/