Gjilani konfirmon drejtuesit e rinj të klubit: Fatlum Pireva president, Syart Rrahmani drejtor gjeneral

Gjilani ka konfirmuar ndryshimet në kryesinë e klubit, ku në krye ka ardhur presidenti Fatlum Pireva, ndërsa në pozitën e drejtori gjeneral është emëruar Syart Rrahmani. 

Pas një sezoni me probleme ku vetëm në fund arritën të sigurojnë mbijetesën, tani më në klub ka ndryshime në kryesi. 

“Sport Club Gjilani konfirmon ndryshimet në udhëheqësinë e klubit, duke bërë të ditur që tashmë Fatlum Pireva do të jetë përfaqësues i aksionarëve duke bartur postin e presidentit”. 

Ndryshimet në udhëheqjen menaxheriale të klubit vijnë si proces i politikave dhe alternativave strategjike duke përfshirë gjithë strukturën drejtuese. Krahas pozitës në klub, Pireva gjithashtu do të jetë përfaqësues i klubit në Federatën e Futbollit e Kosovës”, thuhet në njoftimin e klubit.

 Fatlum Pireva e pason Afrim Veliun në postin e të parit në klub. 

Po ashtu komunikon e ka konfirmuar edhe angazhimin e Syart Rrahmanit në pozitën e drejtorit gjeneral. 

“Rrahmani emërohet shef ekzekutiv në klub pas përvojave shumëvjeçare në fushën e menaxhmentit të biznesit, teksa ka qenë i afruar me klubin edhe kohë më parë”. 

“Përveç pozitës zyrtare në klub, Rrahmani do jetë gjithashtu edhe përfaqësues i klubit në Federatën e Futbollit e Kosovës. Ngritja e klubit në nivelet më të larta organizative dhe sportive janë pikësynimi i përbashkët dhe qëllimi për t’u arritur”. 

“Të gjithë në SC Gjilani i urojnë shumë suksese Syart Rrahmanit në objektivat e përbashkëta të cilat i ka klubit”, thuhet në komunikatën e klubi.  

Gjilani  kompleton kështu strukturat drejtuese të cilat do të menaxhojnë projektin i cili është nisur me ndryshimet e bëra para fillimit të këtij edicioni. /Telegrafi/