Gjiganti mediatik i gatshëm t’ia trefishojë pagën Linekerit, vetë që të largohet nga BBC Sport

ITV është e gatshme të përfitojë nga qëndrimi i Gary Lineker me BBC – dhe madje mund të trefishojë pagën e tij.

Shefat e rrjetit komercial e kanë kërkuar prej kohësh prezantuesin e Match Of The Day – dhe kuptohet se e shohin këtë si shansin e tyre për ta marrë atë.

Ai i ka rezistuar përpjekjeve të mëparshme për ta nënshkruar atë për shkak të besnikërisë së tij ndaj programit. Por, pasi BBC e pezulloi atë, shefat e ITV-së tani shpresojnë të marrin shërbimet me një ofertë joshëse.

Lexo po ashtu E gjithë Anglia në mbështetje të Gary Linekerit: Lojtarët dhe trajnerët refuzojnë intervistat për BBC Sport

Ai mund të trefishojë pagën e tij nga 1.5 milionë euro që fiton në BBC – dhe nuk do të duhej ta deklaronte atë publikisht sepse nuk do të financohej më nga paguesi i licencuar.

Lineker do të jetë gjithashtu në gjendje të postojë lirshëm në Twitter – ndryshe nga kufizimet e BBC për të shprehur pikëpamjet politike.

ITV ka të drejtat e transmetimit për Kampionatet Botërore për meshkuj dhe femra, Kampionatet Evropiane, FA Cup dhe ndeshjet e Ligës së Kampionëve.

Besohet s’paka e Lineker te ITV do të ishte 40 milionë euro për tri vitet e ardhshme. /Telegrafi/