Gjiganti anglez futet fuqishëm në garë për transferimin sensacional të Osimhen

Ylli i Napolit, Victor Osimhen është lidhur me një numër klubesh nga Liga Premier, pasi Chelsea raportohet se është tërhequr nga gara për nënshkrimin e tij.

Gjatë sezoneve të fundit, Osimhen vazhdimisht është lidhur me një kalim në Ligën Premier. Klube si Chelsea, Liverpool, Manchester United dhe Manchester City thuhej se kishin një interesim për nigerianin.

Sidoqoftë, Osimhen ende nuk e ka bërë lëvizjen e tij të radhës, por siç duket 25-vjeçari më në fund gjatë kësaj vere do të largohet nga Italia.

Trajneri i ri Antonio Conte, e la sulmuesin jashtë listës së lojtarëve të ftuar për ndeshjet parasezonale, shenjë kjo e cila na bën me dije se koha e tij tek Napoli do të përfundojë së shpejti.

Siç ka raportuar gazetari Gianluca Di Marzio, Chelsea është tërhequr nga gara për nënshkrimin e tij, ndërsa tani Arsenali është futur në garë së bashku me Paris Saint-Germainin.

Është lënë të kuptohet gjithashtu se edhe klubet në Arabinë Saudite janë të etura për të nënshkruar me Osimhen, por do të ballafaqohen me një betejë të vështirë për të joshur njërin nga sulmuesit më të mirë në Evropë, që të transferohet në Lindjen e Mesme.

Raporti tutje shton se Osimhen, i cili ka një klauzolë lirimi prej 110 milionë eurosh, do të pres dhe të shoh nëse do të ftohet për ndeshjen e parë të Napolit në Serie A ndaj Modenas më 10 gusht./Telegrafi/