Të dhënat më të reja të indeksit të “Henley Passport”, tregojnë se Japonia është vendi më pasaportën më të fuqishme në botë.

Indeksi i pasaportës më të fuqishme, bazohet në atë se në sa vende nëpër botë mund të udhëtojnë pa viza qytetarët e atij vendi që posedojnë këtë pasaportë, transmeton Telegrafi.

Në vitin 2018, sipas Henley Passport, titullin e shtetit me pasaportën më të fuqishme e ka rrëmbyer Japonia, qytetarët e të cilit mund të udhëtojnë në mbi 189 vende pa viza.

Gjermania që pesë vitet e fundit radhazi ka ruajtur epitetin e vendit më pasaportën më të fuqishme në botë, është pozicionuar në vendin e dytë që e ndanë me Singaporin. Banorët e këtyre dy vendeve mund të udhëtojnë në 188 vende të ndryshme të botës pa viza.

Në vendin e tretë janë renditur Koreja e Jugut, Finlanda, Franca, Italia, Spanja dhe Suedia. /Telegrafi/