Gjermania akuzon Shërbimin Ushtarak rus të Inteligjencës për ‘sulme kibernetike’ dhe ‘ndërhyrje në zgjedhje’

Prokurorët Federalë kanë njoftuar se kanë hapur rast “nën dyshimin e spiunazhit” për sulme të dyshuara kibernetike kundër ligjvënësve gjerman, përpara zgjedhjeve të cilat do të mbahen më 26 shtator.

Autoritete gjermane kanë fajësuar Rusinë dhe Shërbimin Ushtarak të Inteligjencës (GRU) për këto sulme, të cilat janë realizuar kryesisht përmes përdorimit të metodës “phishing” dhe metodave të tjera.

Berlini këtë javë kishte kritikuar ashpër atë që u quajt përpjekje ruse për të ndikuar në zgjedhjet e 26 shtatorit të një parlamenti të ri dhe pasardhësin e ri të Angela Merkelit.

Russian military intelligence GRU had huge espionage op against the Bundestag (German lower house of parliament) #dialogstattkonfrontation https://t.co/0ADYl9UOA0

— Edward Lucas (@edwardlucas) September 9, 2021

Zëdhënësja e Ministrisë gjermane të Punëve të Jashtme, Andrea Sasse ka deklaruar se “këto sulme mund të shërbejnë si përgatitje për operacionet e ndikimit siç janë fushatat e dezinformimit të lidhuara me zgjedhjet parlamentare”.

Autoritete gjermane kanë arritur të identifikojnë se autorë të këtij sulmi janë hakerë nga grupi “Ghostwriter” i Rusisë, i cili thuhet se është i specializuar në përhapjen e dezinformatave.

Lexo po ashtu Para zgjedhjeve të përgjithshme në Gjermani, Rusia dezinformon për të mbjellë mosbesim në rrjete sociale

Inteligjenca gjermane beson se ata janë përpjekur të kenë qasje në llogaritë private të e-mail adresave të deputetëve federal dhe rajonal.

Gazeta gjermane “Der Spigel” ka raportuar se autoritetet gjermane deklarojnë se GRU qëndron pas sulmeve dhe ka vënë në shënjestër veçanërisht politikanë nga Kristian Demokratët (CDU) dhe Social Demokratët në Gjermani (SPD).

https://twitter.com/apmassaro3/status/1436120689048760322

Shërbimi gjerman i Inteligjencës (BND) kishte paralajmëruar edhe muaj më parë për mundësinë e keqpërdorimit të dhënave personale të shtetasve nga hakerë rus, të cilat pastaj mund të përdoreshin para zgjedhjeve të përgjithshme në Gjermani.

Edhe politikanë, studiues dhe analistë të ndryshëm gjerman dhe ndërkombëtarë, kanë reaguar pas këtyre sulme kibernetike nga Rusia duke i lidhur ato drejtpërdrejtë me GRU dhe presidentin rus Vladimir Putin. /Telegrafi/