Gjeologët mendojnë se kanë gjetur një version të super vullkanit Yellowstone në Alaska

Janë pesë të tjerë si ai afër, që përbëjnë atë që njihet si Ishujt e Katër Maleve.

Sot, shumica e tyre janë të qetë. Por gjeologët po pyesin nëse së bashku ky grumbull vullkanesh larg nga kontinenti i Alaskës përfaqëson diçka shumë më shkatërruese për Tokën.

Studiuesit nga institucionet në të gjithë SHBA-në po argumentojnë se malet Cleveland, Carlisle, Herbert, Kagamil, Tana dhe Uliaga janë të gjitha vende me një hapësirë të madhe me magmë, transmeton Telegrafi.

Nëse parashikimet e tyre janë të drejta, harku Aleutian i Alaskës – linja e ishujve që shtrihen përtej Detit Bering në drejtim të bregdetit të Rusisë – mund të strehojë një përbindësh në shkallën e super vullkanit të fuqishëm të Yellowstone.

I gjithë zinxhiri përmban rreth 80 vullkane në total. Dhjetëra prej tyre kanë shpërthyer në mënyrë të përsëritur në historinë e kohëve të fundit, gjithashtu, kështu që nuk është sekret se është një pjesë aktive gjeologjikisht e planetit.

Një nga vullkanet më aktive në zonë, Mount Cleveland ka shpërthyer më shumë se 20 herë në dy shekujt e kaluar. Disa prej tyre nuk kanë qenë tamam të vogla.

“Shpresa jonë është të kthehemi në Ishujt e Katër Maleve dhe të shohim më nga afër dyshemenë e detit, të studiojmë shkëmbinjtë vullkanikë në më shumë detaje, të mbledhim më shumë të dhëna sizmike dhe gravitetit dhe të marrim në provë shumë më tepër nga zonat gjeotermale”, thonë shkencëtarët.

Edhe nëse konfirmohet, do të duhet kohë për të krijuar një kuptim të qartë të funksionimit të tij. Super vullkani i Yellowstone ndodhet në një vend mjaft të përshtatshëm për gjeologët, duke siguruar mjaft të dhëna gjatë gjithë vitit. Dhe ne jemi ende duke debatuar se çfarë po ndodh thellë nën lëkurën e Tokës. /Telegrafi/