Gjenerali i lartë rus që u dekorua për rolin e tij në aneksimin e Krimesë raportohet se është vrarë në Ukrainë

Një figurë e lartë ushtarake ruse është vrarë gjatë agresionit në Ukrainë, sipas mediave lokale të lajmeve duke cituar një postim në mediat sociale nga kolegu i tij.

Sipas Newsweek, përcjell Telegrafi, mediat ukrainase të lajmeve po raportonin se Andrei Sukhovetsky, zëvendës komandanti i Ushtrisë së Kombinuar të Armëve të 41-të të Qarkut Ushtarak Qendror, ishte vrarë të mërkurën.

Mediat cituan një postim që njoftonte vdekjen, shkruar nga Sergei Chipilev, një deputet i grupit të veteranëve rus, Vëllazëria Luftarake.

Lexo po ashtu Gjithçka që ndodhi nga dita e pestë deri në ditën e shtatë të agresionit rus në Ukrainë

“Me dhimbje të madhe mësuam lajmin tragjik për vdekjen e mikut tonë, gjeneralmajor Andrei Aleksandrovich Sukhovetsky, në territorin e Ukrainës gjatë një operacioni special”, thuhet në postimin e tij, pa specifikuar rrethanat.

Christo Grozev, drejtor ekzekutiv i uebsajtit të verifikimit të fakteve Bellingcat, postoi në Twitter lajmin për vdekjen, duke shtuar se nëse konfirmohej do të ishte një “demotivues i madh” për forcat ruse.

! Ukrainian armed forces announced that they have killed maj. gen. Andrey Sukhovetskiy, a Spetsnaz commander and deputy chief of the 41 Army in Novosibirsk. This appears confirmed by a spokesperson of the Russian Paratroopers Union. If confirmed, major demotivator for RU.

— Christo Grozev (@christogrozev) March 3, 2022

Po sipas Newsweek, gazeta ukrainase Fakti raportoi se Sukhovetsky kishte qenë në rolin e tij të fundit që nga tetori i vitit 2021 dhe ishte vendosur në Novosibirsk.

Lajmi për vdekjen u raportua edhe nga mediat ruse.

Lexo po ashtu Zelensky me një tjetër fjalim të fuqishëm: Nëse rusët kanë hyrë diku, është e përkohshme – do t’i largojmë, të turpëruar

Lenta.ru e transmetoi lajmin, ndërsa Alexander Kots, korrespondent i tabloidit të qarkullimit masiv Komsomolskaya Pravda, e përshkroi vdekjen në një postim në rrjetin social Telegram.

Edhe Radio Liberty raportoi vdekjen dhe tha se Sukhovetsky kishte komanduar më parë Divizionin e 7-të të Sulmit Ajror në Novorossiysk për tre vjet.

Shërbimi në gjuhën ukrainase i medias tha se ai kishte marrë pjesë dy herë në Paradën e Fitores në Sheshin e Kuq dhe i ishin dhënë dy Urdhra Guximi.

Ai gjithashtu kishte marrë pjesë në fushatat ruse në Kaukazin e Veriut, Abkhazi dhe Siri, si dhe ishte dekoruar për rolin e tij në aneksimin e Krimesë. /Telegrafi/