Gjendet punëtorja e McDonald që e kërkonte Ronaldo– ajo e kujton portugezin si të ndrojtur kur lypte hamburgerë si fëmijë 12-vjeçar

Një nënë e martuar ka dalë si një nga punëtorët e McDonald që i dha Cristiano Ronaldos hamburger falas, kur ai me shokët vinin natën vonë tek restoranti ku punonte.

Superylli i Juventusit bëri apel për të gjetur punonjësit e McDonald – përfshirë një grua të quajtur Edna, gjatë një interviste në ITV me Piers Morgan.

Ai e zbuloi se së bashku me të rinjtë të tjerë në klubin e tij të fëmijërisë, Sporting Lisbon, trokisnin shpesh në derën të McDonald afër stadiumit, ku do të merrnin ushqim nga Edna dhe “dy vajza të tjera” që ai kurrë nuk i gjeti më.

Ronaldo në atë intervistës qau, kur u fol për pretendimet për përdhunim ndaj tij dhe kur u zbulua një video e paparë për babanë e tij.

Lexo po ashtu Intervista e plotë e Ronaldos: Lot, emocione, të qeshura dhe shumë të pazbuluara për jetën e portugezit

Fituesi i pesë Topave të Artë kishte thënë se do të donte, t’i ftonte këto tri gra në Torino ose Lisbonë për të darkuar me to nëse do të gjendeshin ndonjëherë.

Dhe pas disa ditëve, Paula Leca, u paraqit duke thënë se ajo ishte një nga tre gratë, dhe do të pranonte një ftesë për darkë me yllin e futbollit.

“Ata paraqiteshin para restorantit dhe kur kishte hamburgerë që kishin mbetur menaxheri ynë do të na jepte leje tua japim”.

“Një nga djemtë ishte Cristiano Ronaldo që ishte ndoshta më i ndrojturi nga të gjithë. Kjo ndodhte pothuajse çdo natë në çdo javë”.

“Unë ende qesh kur e kujtoj. Unë i kisha thënë të birit tim për këtë, por ai mendoi se nuk ka ndodhur, nuk mund ta imagjinonte mamanë e tij duke i dhënë Ronaldos një hamburger”.

“Burri im e dinte tashmë për këtë, sepse ndonjëherë ai vinte dhe më merrte në punë natën dhe gjithashtu e kishte parë”.

“Nëse ai më ftoi jashtë për darkë, do të shkoja me siguri”, ka thënë ajo.

Ajo thotë se e ka humbur kontaktin me Ednan, gruan që përmendet nga Ronaldo. /Telegrafi/