Gigi Hadid shkëlqeu në Javën e Modës në Paris, duke mahnitur me stilin e saj në shfaqjen e Schiaparelli.
Modelja 29-vjeçare mbërriti në “Musée d'Art Moderne” e veshur me një xhaketë lëkure të zezë bomber, xhinse të errëta dhe aksesorë elegantë, duke kompletuar pamjen me një topuz të rregullt dhe një buzëkuq nudo.
E rrethuar nga fansat, ajo ndau buzëqeshje dhe autografe përpara se të ngjitej në pasarelë, ku hapi shfaqjen me një kostum të zi elegant dhe çizme me majë, shkruan DailyMail.
Kombinimi i aksesorëve të arta dhe grimit me shkëlqim i dha pamjes së saj një prekje të sofistikuar.
Më herët gjatë javës, Gigi ishte e ftuara speciale në darkën gala të Muzeut të Luvrit, ku u shfaq me një fustan vezullues ari dhe argjendi, duke pozuar pranë stilistit Jeremy Scott.
Në jetën private, ajo vazhdon të ndajë momente të veçanta me vajzën e saj Khai, duke treguar përkushtimin mes modës dhe amësisë.
Me çdo paraqitje, ajo vazhdon të dëshmojë pse mbetet një nga modelet më ikonike të kohës sonë. /Telegrafi/
