Ghislaine Maxwell shpallet fajtore për trafikimin e vajzave për t’u abuzuar nga Jeffrey Epstein

Ghislaine Maxwell është shpallur fajtore për rekrutimin dhe trafikimin e vajzave të reja për t’u abuzuar seksualisht nga financier i ndjerë amerikan, Jeffrey Epstein.

Sipas BBC, përcjell Telegrafi, 60-vjeçarja u shpall fajtore për pesë nga gjashtë akuzat me të cilat ajo përballej – përfshirë akuzën më të rëndë, atë të trafikimit të seksual të një të mituri.

Vendimi u mor pas pesë ditësh të plota diskutimi nga një juri prej 12 personash në New York.

Kjo do të thotë se ajo mund të kalojë pjesën tjetër të jetës së saj pas hekurave.

Vendimi vjen pas një gjyqi njëmujor që përmbante dëshmi nga katër gra që përshkruanin se ishin abuzuar nga Epstein midis vitit 1994 dhe 2004.

Maxwell nuk tregoi asnjë shenjë të dukshme emocioni derisa vendimi u lexua të mërkurën, vetëm kur mbushi një gotë me ujë nga e cila piu dy herë.

Menjëherë pas vendimit, ekipi i saj ligjor tha se ata tashmë po punonin për një apel. “Ne besojmë fuqishëm në pafajësinë e Ghislaine”, tha avokati i saj, Bobbi Sternheim. /Telegrafi/