Gerard Pique tregohet agresiv ndaj fotografëve, thuhet se ka thyer telefonin e njërit prej tyre

Javët e fundit kanë qenë plot tension si për këngëtaren Shakira, ashtu edhe për lojtarin e Barcelonës, Gerard Pique.

Që kur ata njoftuan ndarjen e tyre, lajmet për ta kanë qenë të pandërprera dhe raportet e fundit nuk e tregojnë qendërmbrojtësin në një dritë të mirë të tij.

Sipas Socialite, katalanasi u përball me Jordi Martin, një fotograf i njohur i shtypit, madje i theu celularin.

Programi i prezantuar nga Maria Patino zbuloi dëshminë e Martinit dhe, sipas tij, Pique nuk e pranoi në mënyrën më të mirë shtypin që e ndiqte.

Martin ishte ndër paparacët që po përpiqeshin të merrnin imazhe të futbollistit dhe ai pësoi nga zemërimi i ish-partnerit të Shakirës.

“Ai hodhi celularin tim në tokë dhe u nis me makinën e tij, ai theu disa drita të kuqe”, tha Martin.

Mesa duket Pique gjithashtu ka fyer edhe paparacët e pranishëm, shkruan Marca.

“Kur Jordi e pyeti në aeroport, ai u zemërua përsëri”, raportoi Telecinco.

Mbetet për t’u parë nëse, ndryshe nga kohët e fundit, Pique vendos të japë anën e tij të historisë.

As Shakira nuk po kalon një kohë të mirë. Në ditët e fundit, këngëtares iu desh të telefononte ‘Mossos d’Esquadra’ pasi dy përndjekës pikturuan mbishkrime në shtëpinë e saj.

Duket se këngëtares kolumbian po përndiqet nga dy burra dhe njëri prej tyre u zbulua pak ditë më parë me duart plot bojë, ndonëse autoritetet e lanë të lirë për mungesë provash të forta.

Një tjetër nga ndjekësit, nga ana tjetër, vazhdon t’i dërgoi letra Shakirës.

Lexo po ashtu Gerard Pique fotografohet me një bionde misterioze nga një fanse e zemëruar pasi refuzoi t'i përshëndeste

Shakira thuhet se është gjithnjë e më e dëshpëruar për t’u transferuar në Miami me fëmijët e saj dhe për t’u larguar sa më parë nga Barcelona. /Telegrafi/