Georgievski: Me letra të pastra në zgjedhje në mars

Falja u tërhoq, duhet të ulet në tavolinë dhe nënshkruesit e Marrëveshjes “Përzhino” duhet të vendosin rend dite dhe të përcaktohet termini i zgjedhjeve, ka deklaruar Ljupço Georgievski në emisionin “Studio e hapur” në TVNova, transmeton Telegrafi Maqedoni.

“Me letra të pastra në zgjedhje në mars. Nënshkrueset e Marrëveshjes së “Përzhino” duhet të vendosin rend dite dhe ajo që është përcaktuar dhe realizuar të vendoset anësh, ajo që ka ngelur pas të zgjidhet dhe ti jepet fund kësaj krize. Ka kohë të mjaftueshme deri në mars që të gjithë punët lidhur me institucionet të zgjidhen, ka thënë Georgievski.

Ai më tej ka shtuar se duhet të mendohet në drejtim të asaj se çfarë do të bëhet pas zgjedhjeve.

Ai ka shtuar se opsioni më i mirë për demokratizim është që Maqedonia të ketë një njësi zgjedhore

“Kjo do ti inkurajojë partitë më të vogla që të hynë të vetme në garë zgjedhore. Në këtë mënyrë do të hapet vend për të gjithë ata që nuk duan të vazhdojnë të ekzistojnë në sistemin dypartiak kur nuk ka vend për palë të treta”, ka thënë Georgievski./Telegrafi/