Gazetarja e Al Jazeera, Shireen Abu Akleh vritet në Bregun Perëndimor – derisa po mbulonte një sulm të ushtrisë izraelite

Forcat izraelite kanë qëlluar dhe vrarë një gazetare veterane të Al Jazeera në Bregun Perëndimor, ka thënë ministria palestineze e shëndetësisë.

Sipas Al Jazeera, përcjell Telegrafi, Shireen Abu Akleh, 51 vjeç, po mbulonte një sulm të ushtrisë izraelite në kampin e refugjatëve Jenin, kur u qëllua në fytyrë nga një plumb i vetëm.

Një tjetër gazetar palestinez, Ali al-Samoudi, u plagos në shpinë, por është në gjendje të qëndrueshme.

Dhe Ministria e Shëndetësisë tha se gazetarët u goditën nga zjarri izraelit.

Ushtria izraelite konfirmoi se kishte kryer një operacion të mërkurën herët në kampin e refugjatëve në Jenin, por mohoi se kishte shënjestruar qëllimisht gazetarët.

Ushtria tha se kishte një shkëmbim zjarri midis të dyshuarve dhe forcave të sigurisë dhe se po “hetonte ngjarjen dhe po shqyrtonte mundësinë që gazetarët të ishin goditur nga persona të armatosur palestinezë”. /Telegrafi/