Gazetari i njohur Roberto Saviano gjobitet pasi ka fyer kryeministren italiane Georgia Meloni

Gazetari i njohur italian Roberto Saviano u shpall fajtor për shpifje pasi ka fyer kryeministren Georgia Meloni në një intervistë televizive.

Saviano kishte sharë Melonin derisa sulmoi qëndrimin e saj ndaj migrimit në dhjetor të vitit 2020, transmeton Telegrafi.

Atij i është shqiptuar një gjobë prej 1,000 eurosh.

Megjithëse ai do të duhet të paguajë atë vetëm nëse përsërit shkeljen, aktivistët thanë se vendimi dërgoi një “mesazh të keq” për lirinë e shtypit.

Saviano tha se qeveria e Melonit kishte synuar ta “frikësonte” atë për thirrjen e kinse “gënjeshtrave” për emigrantët, raportoi agjencia e lajmeve AFP.

Avokati i Melonit tha se fjalët e tij ishin një “fyerje”, jo kritikë, duke e akuzuar atë për “gjuhë të tepruar, vulgare dhe agresive”, shtoi agjencia.

Incidenti ndodhi në një intervistë televizive të dhjetorit 2020, përpara se Meloni të bëhej kryeministre.

Në intervistë, Saviano kritikoi Melonin dhe liderin e krahut të djathtë Matteo Salvini për komentet e tyre mbi anijet bamirëse të shpëtimit të emigrantëve.

Si lidere e opozitës,  Meloni kishte thënë se varkat me emigrantë të shpëtuar duhet të fundosen.

Shoqata e shkrimtarëve Pen International i kishte kërkuar kryeministres të hiqte dorë nga rasti, por Meloni tha se nuk shihte asnjë arsye për ta bërë këtë, duke shtuar se u takonte gjyqtarëve të vendosnin.

Shoqata tha se gjykimi ishte një “pengesë alarmante për fjalën e lirë” dhe dërgoi një “paralajmërim të rrezikshëm për shkrimtarët dhe gazetarët në të gjithë vendin”. /Telegrafi/