Gattuso ndjen keqardhje që nuk arriti të mbronte vetën ndaj akuzave te Tottenhami

Gennaro Gattuso këmbëngul se ai ka dështuar që të emërohet trajner i Tottenhamit dhe lëndon më shumë se çdo humbje tjetër, pasi nuk mund të mbrohej nga akuzat në mediat sociale.

Ish-mesfushori i Milanit ishte në bisedime për t’u bërë trajneri i ri i klubit anglez, por Spurs vendosën kundër emërimit të tij pas një fushate në media sociale nga tifozët e klubit të Londrës Veriore.

Gattuso u akuzua si racist dhe seksist për shkak të disa prej deklaratave të tij nga e kaluara, kështu që bordi i Tottenhamit përfundoi bisedimet me ish-mesfushorin dhe trajnerin e Milanit.

Lexo po ashtu Zyrtare: Fiorentina dhe Gattuso ndajnë rrugët ende pa ia filluar punës së bashku

Fituesi i Kupës së Botës me Italinë në vitin 2006 sapo kishte shkëputur kontratën e tij me Fiorentinën për shkak të mosmarrëveshjeve mbi strategjitë e transferimit të klubit. Ai kishte nënshkruar kontratën me ekipin e Serie A, 23 ditë më parë.

Sidoqoftë, ish-trajneri i Napolit nuk është penduar për fundin e kapitullit të tij të shkurtër në Firence.

“Unë as nuk dua të flas për këtë”, ka thënë 43-vjeçari për Il Messaggero.

“Është e kotë të shtosh detaje të mëtejshme, unë tashmë e kam harruar atë histori, por nuk mund të bëj të njëjtën gjë me një tjetër”.

Dhe ‘tjetra’ është mundësia për t’u bërë trajneri i Tottenhamit.

“Ishte një zhgënjim i madh, por nuk u përshkrova për mënyrën se si jam dhe nuk mund të bëja asgjë. Më vjen keq që nuk munda të mbrohem dhe të shpjegoj se nuk jam personi për të cilin po flisnin në Angli”, deklaroi Gattuso.

Lexo po ashtu Tottenhami anulon emërimin e Gattusos si trajner, pasi tifozët nuk e duan

“Unë duhej të pranoja një histori që dhemb më shumë se çdo humbje ose shkarkim, në një moment kur ne nuk duam të kuptojmë se sa e rrezikshme mund të jetë interneti.

“Disa fjalë të këqija vijnë nga Facebook ose Twitter, ku është e mundur t’i japësh forcë çdo gënjeshtre”.

“Unë nuk kam profile në rrjetet sociale dhe nuk i dua, as Monica nuk i ka [gruaja e tij]”.

“Pse duhet t’i lejoj të më shajnë për ndonjë gjë? Unë nuk kam as Instagram. Nuk e kuptoj, nëse pi një shishe verë, ç’kuptim ka të bëj një foto për të bërë të ditur të tjerët. Është puna ime, fëmijët e mi Gabriela dhe Francesco e dinë këtë”, shtoi Gattuso. /Telegrafi/