Futet në shtëpinë e kryeplakut të fshatit pa trokitur, ndëshkohet në mënyrën më bizare – detyrohet të lëpij pështymën e tij në dysheme (Video)

Një berber i fshatit është detyruar të lëpij pështymën e tij në dysheme dhe më pas është rrahur me papuçe nga një grua, vetëm pse ishte futur në shtëpinë e kryeplakut të fshatit pa trokitur në derë.

Mahesh Thakur 54-vjeç, është poshtëruar para qindra bashkëfshatarëve, duke e detyruar të gjunjëzohet për ta lëpirë pështymën e tij në tokë, transmeton Telegrafi.

Ai akuzohet se ishte futur në shtëpinë e kryeplakut të fshatit Surendra Yada pa trokitur, veprim ky që konsiderohet ofendim në Indi.

Dhe pasi që në ato momente nuk ishte asnjë burrë brenda shtëpisë, si ndëshkim për veprimin atë e detyruan të lëpijë pështymën e tij në dysheme.

Ai më pas është goditur 25 herë me papuçe nga një grua. Ndërkaq të pranishmit që ishin brenda, kanë shikuar këtë moment poshtërues sikur të mos kishte ndodhur asgjë e keqe.

Sipas medieve indiane, ai në video dëgjohet duke thënë se kurrë më nuk do ta përsëris gabimin e bërë, dhe nuk do të futet në shtëpitë e huaja pa trokitur apo telefonuar paraprakisht. Përndryshe, rrezikohet të përfundoj prapa grilave.

Ndërkaq, lidhur me këtë veprim policia ka intervistuar tetë persona, që janë munduar të marrin në duart e tyre ligjin. /Telegrafi/