Futbolli evropian dëshmoi mbrëmë skena surreale, ekipi luajti me fanella të bardha në një terren krejtësisht me dëborë

Ndeshja e xhiros së 27-të të Superligës së Rumanisë ndërmjet Rapid Bukureshtit dhe Botosanit (1-0) do të mbahet mend për një vendim organizativ jashtëzakonisht të dobët që krijoi vështirësi për të gjithë.

Sado joreale të tingëllojë, futbollistët mysafirë e kanë luajtur këtë ndeshje me një veshje krejtësisht të bardhë, edhe pse bora ka mbuluar të gjithë fushën.

Skenat surreale, të tilla si të cilat rrallë i shohim në Evropë, u bënë shpejt virale në mbarë botën dhe fotot dhe pamjet nga ndeshja në Bukuresht vërshuan mediat sociale.

W spotkaniu Rapid – Botosani rozgrywanym w śniegu ❄️ gościom pozwolono na grę w białych koszulkach 😶 pic.twitter.com/oKjYDQXEuc

— Superbet (@SuperbetPL) February 18, 2025

Pas kësaj ndeshjeje, të gjithë pyesin se si ka mundur të ndodhë kjo dhe kush i ka dhënë leje futbollistëve mysafirë që të luajnë me fanella të bardha në dëborë.

Ky vendim vështirësoi lojtarët e të dyja skuadrave, shikuesit, komentuesit dhe tifozët në stadium, pasi në asnjë moment nuk mund të shihnin se ku ndodheshin ‘botosanët’.

❄️🤯 Just the atmosphere at the match between Rapid and Botoșani in Romania’s top league: the away team took the field in white kits – and instantly disappeared 👀 pic.twitter.com/SDhDGjE0ri

— FootyRoom (@footyroom) February 17, 2025

Ne mund të shohim dështime organizative në të gjithë botën, por ato janë vërtet të rralla në futbollin evropian. Mirëpo diçka të tillë e pamë mbrëmë në Rumani.

Ndryshe, skuadra vendase përfitoi përfundimisht nga “përparësia” e fanellave të dukshme dhe fitoi 1-0 me golin e Denis Ciobotariu. /Telegrafi/