Fury mund të pasurohet me mbi 120 milionë euro nëse zhvillon ‘meçin britanik të shekullit’ ndaj Joshuas

Pas triumfit historik ndaj Deontay Wilder, Tyson Fury mund të përfitojë më shumë se 100 milionë funte (120 milionë euro) në muajt e ardhshëm të vitit 2020.

Pasi e rrëzoi nga froni boksierin amerikan, kampioni i ri i WBC-së është rrugës për t’u bërë një prej sportistëve më të pasur britanikë.

Ai fitoi shuma të majme nga dueli me Wilder që vesohet të jenë ndërmjet 40 dhe 50 milionë euro, duke përfshirë shumë fikës, përfitimet nga biletat, abonimet paguaj për të parë, si edhe sponsorët.

Kundërshtari i tij i radhës mund të jetë kampioni i unifikuar, Anthony Joshua, i cili i ka titujt tjerë (WBA, IBF, WBO dhe IBO) që i riktheu duke e mposhtur Andy Ruizin në rimeç.

Bullgari Kubrat Pulev është kundërshtari i obliguar i AJ, mirëpo përfaqësues i tij është Bob Arum, i cili e përfaqëson edhe Furyn, prandaj ai meç mund të anashkalohet.

Dueli mes tyre do të shënonte rekord përfitimesh në kategorinë e peshave të rënda, ndërsa për Britaninë e Madhe do të ishte meçi i shekullit.

Përballja për titullin e të padiskutueshmit mund të ndodhë gjatë verës, ndërsa është fjala për një duel që mund të sjellë përfitime në vlerë prej 77 milionë funtesh (92 milionë euro).

Në këtë mënyrë, Fury do ta kalonte shumën e përfitimeve prej 100 milionë funtesh (120 milionë euro) brenda vitit 2020. Për më shumë, kampioni i unifikuar do të siguronte marrëveshje të pafundme sponsorimi. /Telegrafi/