Kreu i Lëvizjes BESA Bilall Kasami thotë se me nënshkrimin e marrëveshjes së bashkëpunimit me Alternativën, është bërë hapi i parë në drejtim të krijimit të frontit opozitar në prag të zgjedhjeve parlamentare. Kasami paralajmëroi se një hap i këtillë së shpejti mund të bëhet edhe me Grupin e Zjarrit, ndërsa ka paralajmëruar përfshirje edhe të një grupi të siç thekson të pakënaqurve në Aleancën e Shqiptarët dhe organizatave të dala nga konflikti i vitit 2001.
“Jemi në bisedime shumë të afërta edhe me eksponentë të ashtuquajturit Grup i Zjarrit. Ne vlerësojmë se pas vendimeve të fundit të kryesisë së BDI-së për largimin e eksponentëve kryesorë të rebeluar nga BDI, ne besojmë se është kjo një mundësi që të formalizojmë bashkëpunimin edhe me këtë grup, por njëherësh, kemi afër komunikim edhe me të pakënaqur nga ASH, të cilët në asnjë moment nuk mund ta pranojnë të qenit në listat e përbashkëta me BDI-në. Pra deklarimet e fundit me kreun e ASH për një koalicion të mundshëm me BDI-në, tashmë i kanë shtuar edhe zërat e të pakënaqurve brenda kësaj partie politike të cilët kërkojnë që të ulemi dhe të ndërtojmë një kauzë të përbashkët opozitare. Ne jemi në bisedime edhe me shoqata të ish ushtarëve dhe pjesëtarë të sektorit civil, por ky është hapi i parë, ndërsa në ditët në vazhdim do vazhdojmë ndërtimin tullë pas tulle të kësaj kalaje”, deklaroi Bilall Kasami. Kryetar i Lëvizjes BESA.
Edhe Alternativa e Afrim Gashit ka bërë thirrje intelektualëve që janë kundër krimit dhe korrupsionit që t`i bashkohen frontit opozitar.
“Përkundër asaj se ne jemi parti politike, në këtë front opozitar do të jenë të mirëseardhur të gjithë ata që e shohin veten në këtë anë, qofshin parti, OJQ, personalitete publike etj. Mjafton të deklarohen publikisht se janë kundër korrupsionit të BDI-së dhe për avancimin e jetës së shqiptarëve në vendin tonë. Rrjedhimisht, kjo vlen edhe për Grupin e Zjarrit, me të cilët po ashtu kemi komunikim dhe urojmë që sa më shpejt të distancohen nga subjekti që i ka traumatizuar dhe shpërngulur shqiptarët në këto 20 vjetët e fundit”, thonë nga Alternativa.
Nevzat Bejta nga Grupi i Zjarrit thotë se edhe përkundër faktit që nuk është biseduar kjo temë, nuk përjashtohet mundësia e tillë e bashkëpunimit.
“Çdo gjë që është në interesin e anëtarësisë dhe votuesve, ne do bashkohemi me ata të cilët mbrojnë interesat e votuesve dhe shoqërisë tonë. Normal në proceset demokratike nuk është e ndaluar që të mos zhvillohen bisedime me përfaqësuesit e partive të tjera politike. Ne jemi fraksion dhe ne e kemi të drejtën të bisedojmë me gjithë përfaqësuesit e partive politike që ia duan të mirën shoqërisë shqiptare dhe shoqërisë tonë në Maqedoninë e Veriut”, deklaroi Nevzat Bejta, Fraksioni i BDI-së Grupi i Zjarrit.
Kreu i Lëvizjes BESA Bilall Kasami, ditë më parë shpalosi idenë e krijimit të një fronti opozitar, i cili, sipas tij do të kishte për synim rrëzimin e Qeverisë. /Alsat.mk
Lufta Prigozhin - Putin
Më shumëÇka tha diplomati slloven Zhbogar në OKB që u irritua Vuçiqi?
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Kurti në Gjermani: Kosova e vendosur për anëtarësim në NATO dhe BE
Kuvendi miratoi Projektligjin për zyrtarët publikë
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën