Freskoni kuzhinën me tone dielli

Nëse aspiratorin dhe derën e shporetit i ngjyrosni me të verdhë, këtë hapësirë do ta bëni moderne dhe do të dukej sikur në rregullimin e saj ju ka ndihmuar ndonjë arkitekt i famshëm

Të gjitha elementet varëse dhe pllakat e punës mund të jenë me ngjyrë të verdhë, por mund t’i zëvendësoni edhe disa pjesë të pllakës së punës, për ta thyer monotoninë e ngjyrave, transmeton Telegrafi.

Elementet jovarëse të kuzhinës, përkatësisht ato të cilat kanë këmbalecë, sërish janë në moderne. Këto pjesë mobiliesh duken sikur qëndrojnë pezull në hapësirë, por që gjenden në ambientin e kuzhinës. Mjafton që vetëm ky element qendror të jetë në ngjyrë të verdhë.

Njërin ndër muret ngjyrosni me të verdhë, por mundeni edhe vetëm pjesën e sipërme të murit (më i bukur do të ishte mbi pllaka). Kështu do të arrini efektin fenomenal të freskisë dhe modernes.

Freskinë do ta krijoni edhe nëse e ngjyrosni vetëm tavanin, ndërsa bukuri të veçantë do të japë pjesa e verdhë e murit mbi tavolinën e larjes së enëve dhe mbi shporet.

Nëse keni elemente varëse të hapura, shumë interesante do të duken nëse disa faqe të brendshme i ngjyrosni me ngjyrën e diellit. Shikimi menjëherë do të “fluturojë” te këto pjesë, duke i bërë vende kryesore në kuzhinë.

Pikërisht për këtë shkak patjetër duhet të përpiqeni që brenda tyre çdo gjë të jetë në rregull dhe reprezentative, qoftë kur është fjala për enët, kavanozat dhe erëzat, aparatet e vogla shtëpiake…

Ngjyrosni aspiratorin dhe dyert. Me këtë veprim kuzhinën do ta bëni në çast tërësisht moderne dhe do të duket sikur në rregullimin e saj ju ka ndihmuar ndonjë arkitekt i famshëm. Kështu do ta bëni të këndshëm qëndrimin në kuzhinë edhe për ata të cilët kjo edhe nuk u është hapësirë aq e dëshirueshme në shtëpi.

Dyshemenë shtrojeni me mozaikun e bërë nga pllakat e verdha, të hirta apo teget, apo vendosni për variantin e zakonshëm verdhë-e zezë apo verdhë-e bardhë.

Mund të vini edhe ato të cilat kanë vetëm nga ndonjë detaj të verdhë, mirëpo nëse keni banak, pranë tij vendosni karrige të larta nuancë të njëjtë.

Për të lidhur pjesën e sipërme të hapësirës në tërësi, mjafton që në mure të varni pikturën e cila në vetvete përmban ngjyrën e verdhë. Do të krijoni një kënd të vogël artistik…

Duke pasur parasysh që fjala është për ngjyrën e ndjeshme, të vështirë për mirëmbajtje, elementet e kuzhinës patjetër duhet t’i pastroni rregullisht, për të ruajtur shkëlqimin dhe freskinë.

/Telegrafi/