Franco Foda është përzgjedhës i ri i Përfaqësueses së Kosovës në futboll, ku sot është prezantuar nga Federata e Futbollit të Kosovës.

Foda merr drejtimin e Kosovës pasi ishte papunë për gati dy vjet, ku së fundmi drejtoi Zurichun për një periudhë të shkurtër.

Ai u pyet edhe për situatës e Edon Zhegrovës, ku Foda thotë se është trajner i së tashmes dhe te Kosova është i mirëseardhur kushdo që është i gatshëm të japë 100 përqindëshin.

Lexo lajmin e plotë…

Drejtuesi i Dardanëve, Lulëzim Berish i ka uruar mirëseardhje përzgjedhësit të ri, Franco Foda.

Në prezantimin e përzgjedhësit të ri Franc Foda, gjermani u pyet për mesfushorin kosovar Eliv Rexhebeçaj që luan te Augsburgu në elitën e futbollit gjerman.

“Po e njoh Elvis Rexhbecajn dhe e kam parë duke luajtur te Augsburgu. Do të shkoj ta vizitojë dhe ta ftoj që të na bashkohet”, deklaroi shkurtimisht Foda.

Në atë moment ndërhyu edhe i pari i Federatës së Futbollit të Kosovës, Agim Ademi i cili dha një lajm të madh sa i përket Rexhbeçajt.

“Ka vite që e kemi ftuar dhe tani jemi në fazën finale ku lojtari do të pajiset me pasaportë dhe do të na bashkohet në ndeshjet e ardhshme”, ka deklaruar Agim Ademi.

Franco Foda është emëruar përzgjedhës i ri i Përfaqësueses së Kosovës. Trajneri gjerman ka marrë drejtimin e Dardanëve ku në prani të kryetarit të FFK-së, Agim Ademi ka nënshkruar një kontratë dy vjeçare.

Ai është shprehur shumë i lumtur që do të jetë në krye të Dardanëve derisa ka thënë se beson se do të jetë i suksesshëm te Kosova.

“Është ditë speciale për njerëzit këtu në Kosovë, edhe për mua. Jam shumë i lumtur që jam këtu. Po shikoj përpara për sfidën e re dhe jam optimist se do të jemi suksesshëm bashkarisht. Është i bindur se bashkë me njerëzit, bashkë me Federatën do t’ia dalë. Qëllimi im është të hy sa më shpejt në rrjedhje të ekipit. Po përgatitemi për ndeshjet e marsit. Pas këtyre ndeshjeve, do të kërkojmë kundërshtar më të përshtatshëm”, ka thënë Foda në konferencën e prezantimit.

Lexo lajmin e plotë…

Franco Foda është prezantuar nga presidenti i Federatës së Futbollit të Kosovës, Agim Ademi i cili i ka uruar mirëseardhje dhe suksese në krye të Dardanëve trajnerit gjerman derisa trajneri gjerman ka nënshkruar kontratë dy vjeçare.

“Urime për trajnerin e ri. Uroj që siç është përputhur programi i tij me projektin tonë, të ketë edhe rezultate. Foda është trajneri i rezultateve. Ne këtë pjesë, duam rezultate sepse e kemi bërë zhvillimin tonë. Shpresojmë që Foda të jetë trajneri që do të ngelë në historinë e Kosovës, për ta kualifikuar në garat evropiane”.

“Foda ka qenë në Kosovë para dy javësh. I ka parë kushtet dhe ka vendosur. Ka kontratë dyvjeçare. Në këto dy vjet, në këto garat e radhës, do të realizojmë programin e tij dhe kërkesat tona. Në futbollin tonë s’ka asgjë të sigurt, por ne po përpiqemi ta bëjmë punën sa më të mirë. Foda i ka duart e lira për të vendosur, po vjen me ekipin e tij, nuk do të ketë asnjë ndërhyrje, por do ta ketë mbështetjen e Federatës”, ka thënë Ademi.

Trajneri gjerman Franco Foda, e ka nisur prezantimin e tij me një fjalë në gjuhën shqipe, duke thënë “Mirëdita” për të gjithë të pranishmit në konferencë.

Ai uroi përvjetorin e Pavarësisë së Kosovës duke thënë se është i lumtur që është në këtë ditë të shënuar në vendin tonë.

Pas fjalës së parë, palët bën nënshkrimit e marrëveshjes.

Kryetar i FFK-së Agim Ademi dhe menaxheri Bajram Shala, janë në konferencë, ku po prezantohet Franco Foda.

Franco Foda pritet të emërohet përzgjedhës i ri i Përfaqësueses së Kosovës, ku në këtë pozitë do ta zëvendësojë Primoz Glihan, të cilit i skadoi kontrata me FFK-në dhe i ndanë rrugët pas një bashkëpunimi disavjeçar.

Trajneri gjerman do të prezantohet sot nga kryetari i FFK-së, Agim Ademi, ku me të Kosova shpreson që të luajë në Kampionatin Botëror që mbahet pas dy vitesh.

Për të mësuar më shumë për Franco Fodan klikon në link…

Deri më tani janë përmendur disa emra të trajnerëve gjermanë për të marr drejtimin e Përfaqësueses së Kosovës.

Andre Breitenreiter, Bruno Labbadia dhe Franco Foda janë emrat më të spikatur për të marr drejtimin e Kosovës, por ky i fundit duket se ka qenë më i përshtatshmi për FFK-në.

Lexo lajmin e plotë…

Përfaqësuesja e Kosovës vazhdon të jetë ende pa trajner pas largimit të sllovenit Primoz Gliha i cili ishte i përkohshëm në krye të Dardanëve.

Federata e Futbollit të Kosovës ka pasur takime të shumta me shumë trajner, por duket se ata kanë vendosur për një gjerman që të jetë në stolin e Përfaqësueses.

Sipas asaj që ka raportuar mediumi austriak ‘Salzburger Nachrichten‘, trajneri gjerman Franco Foda pritet ta marrë drejtimin e Përfaqësueses së Kosovës.

Lexo lajmin e plotë…