Afati kalimtar veror është shumë i nxehtë me shumë futbollistë që po ndërrojnë skuadra.
Skuadrat e mëdha evropiane kanë shpenzuar shuma të çmendura për të arritur transferimin e objektiveve të tyre.
Real Madridi është skuadra që ka shpenzuar më shumë, pasi ka transferuar lojtarë si Eder Militao, Ferland Mendy, Eden Hazard apo Luka Jovic.
Eden Hazard (Foto: Angel Martinez/Getty Images/Guliver)
Me shpenzime nuk e ka lënë keq as Barcelona që ka transferuar Frenkie De Jongun, ndërsa Atletico Madrid ka shpenzuar 126 milionë për Joao Felix.
Mediumi i njohur britanik, Bleacher Report ka bërë formacionin më të shtrenjtë gjatë këtij afati kalimtar.
Katër transferimet e mëdha të Realit zënë vend në këtë formacion, ndërsa aty janë edhe futbollistët që u paguan shumë për ta si Joao Felix, Frenkie De Jong, Tanguy Ndombele, Rodri apo Lucas Hernandez.
Vetëm treshja ofensive në këtë formacion në total ka kushtuar 286 milionë euro. /Telegrafi/
