Në ndeshjen kryesore të javës në Serie A, Juventus do të presë AC Milanin në Allianz Stadium.
Juventus do të luajë pa Gleison Bremer, i cili nuk është pjesë e listës së ndeshjes, ndërsa kjo i hap rrugë Daniele Rugani të startojë në qendër të mbrojtjes për herë të parë që nga rikthimi nga huazimi te Ajax.
Në krahun e djathtë të mbrojtjes starton Pierre Kalulu, ndërsa në të majtë do të jetë Andrea Cambiaso.
Sulmi i Juventusit do të drejtohet nga Jonathan David, ndërsa Dusan Vlahovic dhe Lois Openda do të jenë në stol. Pjesë e mesfushës sulmuese do të jenë Kenan Yildiz dhe Francisco Conceicao, duke e lënë Edon Zhegrovën në baskën rezervë.
Milan do të jetë pa Pervis Estupinan, i pezulluar, dhe Ardon Jashari, i dëmtuar.
Rafael Leao do të fillojë nga stoli pasi po rikuperohet nga lëndimi, ndërsa sulmi i Milanit do të drejtohet nga Santiago Gimenez dhe Christian Pulisic.
Juventus (3-4-2-1): Di Gregorio; Gatti, Rugani, Kelly; Kalulu, Locatelli, McKennie, Cambiaso; Conceicao, Yildiz; David.
Milan (3-5-2): Maignan; Tomori, Gabbia, Pavlovic; Saelemaekers, Fofana, Modric, Rabiot, Bartesaghi; Gimenez, Pulisic.
/Telegrafi/
