FMN: Eurozona pa bashkëpunim do të vuaj pasojat

“Ekonomitë e të 19 vendeve të monedhës së përbashkët evropianë, duhet të bashkëveprojnë më shumë, ose në të ardhmen do të vuajnë kriza të njëpasnjëshme”-paralajmëroi Fondi Monetar Ndërkombëtar (FMN).

Sipas FMN-së, ekonomia e rajonit është e qëndrueshme, dhe projektohet në një rritje prej 1.6% përgjatë vitit aktual, dhe dy viteve të ardhshme. Gjithsesi, projeksionet në terma afatmesëm rezultojnë më të dobëta se më parë.

“Vendet me një borxh të lartë publik, do të kenë vështirësi të mëdha për të menaxhuar kostot më të larta të huamarrjes kur politikat monetare të përqafojnë kahun shtrëngues”, paralajmëron Fondi Monetar Ndërkombëtar.

Nga ana tjetër, institucioni me bazë në Uashington thekson se ndasitë politike në ekonomitë e zhvilluara mund të sjellin përmbysje dramatike, në një kohë që shumë vende të Eurozonës po i drejtohen zgjedhjeve të përgjithshme këtë vit”-vijon institucioni, duke paralajmëruar kështu rrezikun populist. Procesi i ndarjes së Britanisë nga Bashkimi Evropian do të vijojë të jetë subjekt i shumë pasigurive, vijon FMN. /Telegrafi/