Një aeroplan për në Qipro u detyrua të devijonte në Greqi për shkak të një pasagjeri 'të dehur', duke i lënë pasagjerët të bllokuar për orë të tëra.
Fluturimi LS721 u nis nga Aeroporti i Edinburgut dje pasdite me destinacion Larnacën, shkruajnë mediat e huaja, përcjell Telegrafi.
Por pilotët u detyruan të devijonin aeroplanin për në Selanik në Greqinë kontinentale.
Kjo për faktin se siç bëhet e ditur, një pasagjer mashkull ishte i dehur dhe u bë shqetësues gjatë fluturimit.
Siç bëhet e ditur më tej, policë grekë kanë hipur në aeroplan dhe kanë folur me pasagjerët – ndërkohë që burri thuhet se u nxor nga aeroplani.
Aeroplani duhej të ulej në pikën e parë të pushimeve në Qipro në orën 22:00 sipas orës lokale mbrëmë.
Por aeroplani nuk u nis nga Selaniku deri në orën 12:30 të mëngjesit të sotëm.
Pushuesit e lodhur arritën në destinacionin e tyre rreth orës 2 të mëngjesit. /Telegrafi/
