Zgjedhja e nuancës së duhur të flokëve mund t’ju freskojë, t’ju bëjë të dukeni më të rinj dhe t’ju japë një pamje rrezatuese gjatë gjithë verës
Megjithatë, ajo që i shkon mikeshës suaj, mund të mos jetë e duhura për ju - çelësi është tek nuanca e lëkurës. Prandaj, ju sjellim një udhëzues praktik që ju ndihmon të zgjidhni ngjyrën e flokëve sipas tonit dhe nëntonit të lëkurës.
Si ta kuptoni nëntonin e lëkurës?
Para se të shkoni te floktari, është e rëndësishme të dini nëse nëntoni juaj është i ngrohtë, i ftohtë apo neutral. Ja një test i thjeshtë:
Shikoni venat në pjesën e brendshme të kyçit të dorës: nëse janë blu ose vjollcë, nëntoni është i ftohtë.
Nëse venat janë jeshile, keni nënton të ngrohtë.
Nëse nuk arrini ta përcaktoni, ka shumë gjasa të jeni neutralë, transmeton Telegrafi.
1. Lëkurë e çelët me nënton të ftohtë
Nëse keni një ten porcelani me nënton rozë ose blu, idealet janë nuancat që nuk “zbehin” fytyrën:
▪ Bionde platinë
▪ Tonet e ftohta gri
▪ Kafe e hapur e akullt
▪ Shmangni nuancat e ngrohta, të artë - mund ta bëjnë lëkurën të duket e skuqur ose e lodhur.
2. Lëkurë e çelët deri mesatare me nënton të ngrohtë
Nëse lëkura ka shkëlqim të artë dhe nxiheni lehtë në diell, tonet e ngrohta janë zgjedhja e duhur:
▪ Bionde mjaltë
▪ Bionde e artë
▪ Kafe karamel
▪ Këto nuanca theksojnë ngrohtësinë natyrale të lëkurës dhe japin një pamje të shëndetshme, si të nxirë nga dielli.
3. Lëkurë me ton ulliri (nënton neutral ose i ngrohtë)
Teni ulliri mund të duket i zbehtë me ngjyrën e gabuar, por me nuancën e duhur shkëlqen:
▪ Kafe çokollatë e errët
▪ Kafe e ngrohtë gështenje
▪ Bronzi me reflektime të lehta të çelëta
▪ Shmangni tonet e kuqe dhe portokalli, pasi mund të duken artificiale mbi këtë tip lëkure.
4. Lëkurë e errët me nënton të ngrohtë ose të ftohtë
Lëkura e errët përshtatet me një gamë të gjerë ngjyrash, por gjithçka varet nga nëntoni:
▪ Për nënton të ngrohtë: kafe mjaltë, karamel, fije të arta
▪ Për nënton të ftohtë: kafe e hirtë, burgundy e errët, e zezë me refleks vjollce
▪ Mos harroni: shkëlqimi i lartë i flokëve thekson më shumë pamjen luksoze të ngjyrës.
Floktarët e dinë mirë këtë truk të thjeshtë - dhe tani edhe ju! /Telegrafi/
