Fjolla Morina publikon foto përkrah një mashkulli misterioz

Këngëtarja shqiptare, Fjolla Morina ka befasuar fansat me një postimi të fundit që ka bërë në llogarinë e saj në Instagram.

Fjolla ka publikuar një imazh ku shihet përkrah një mashkulli, i cili fytyrën e ka të mbuluar me një buqetë  të madhe trëndafilash të kuq.

Këngëtarja ka pozuar në një ashensor ndërsa shoqëruesi ndodhet pranë saj duke mos zbuluar identitetin.

Teksa shihet e lumtur, Fjolla ka bërë edhe një shkrimi të gjatë në mbishkrimin e imazhit duke nxitur dyshimet për një lidhje të re dashurie apo eventualisht një ribashkim të mundshëm me ish-bashkëshortin Fisnik Sylën.

Lexo po ashtu Pyetet për Fjolla Morinën, ish-burri i saj Fisnik Syla thotë: Kush është ajo?

“Në jetë kam parë, kam dëgjuar edhe kam jetuar edhe s’më kanë vlerësuar, më kanë shfrytëzuar ekonomikisht më kana bërë gracka dhe sot jam akoma më e fortë te disave ju kam vënë mure ,e disave fshesën për pastrim një herë e përgjithmonë, pra janë vendimet durimi që vendos më në fund, të vesh të gjithë në vendin që ju takojnë. Mënyra më e mirë për t’i dhënë drejtim vetes dhe të tjerëve…F F M”, ka shkruar Fjolla.

Mbetet të shihet nëse Fjolla në ditët në vazhdim do të zbuloi më shumë detaje, por pak ditë më parë Syla është përgjigjur me ironi ndaj një pyetjeje të ndjekësve.

View this post on Instagram

A post shared by Fjolla Morina (@fjolla.morina)

“A janë të vërteta ato që Fjolla tha në lidhjen direkte me fansat?”, ishte pyetja për Fisnikun i cili u përgjigj duke thënë: “Kush është ajo”.

Kjo ka mjaftuar që të pretendohet që marrëdhënia e dyshes po vazhdon të jetë e ftoftë, por postimi i fundit i këngëtarë ka ngritur pikëpyetjet për këtë.

Ish-çifti u martuan në një ceremoni private në Maldive por që u ndan në fillimi të vitit 2022. /Telegrafi/