Fjalët e para te Micheal Nees si përzgjedhës i Kosovës U21: Duhet të kërkojmë më shumë sukses, jam gati për punë

Kryetari i FFK-së, Agim Ademi ka bërë prezantimin e përzgjedhësit të ri të Kosovës U21, Michael Nees.

Ai  i cili njëherësh është edhe drejtor teknik në FFK tash e katër vjet.

Përzgjedhësi i ri i Kosovës U21, Michael Nees shprehu falënderimin e tij ndaj presidentit Ademi dhe FFK-së për besimin e dhënë, teksa shpreson në suksese me Dardanët e rinj.

“Kemi punuar bashkë tashmë katër vjet dhe e njohim mjaft mirë njëri-tjetrin dhe lirisht mund të them se është krijuar besimi i ndërsjellë. Duhet t’i falënderojmë edhe trajnerët që kanë qenë më parë, e të cilët kanë bërë një punë të mirë, por ndonjëherë duhet të bëjmë ndonjë ndryshim dhe të largohemi nga komfort-zona”.

“Kur kemi diskutuar muajin e fundit kemi arrit në konkluzion që ta bashkojmë aspektin teknik dhe sportiv. Gjithçka është e ndërlidhur njëra me tjetrën. Ne duhet të punojmë shumë dhe të krahasohemi me kombëtaret e mëdha. Besoj se do ta menaxhojmë këtë”, është shprehur Nees.

Michael Nees ka përvojën si pjesë e Kombëtareve të Afrikës së Jugut dhe Izraelit. /Telegrafi/