Fjalët e para të Jose Mourinhos si trajner i Romës: Pasioni i tifozëve dhe vizioni i klubit më bindën që të bashkohem

Jose Mourinho ka thënë se dëshiron të krijojë një projekt fitues te Roma dhe zgjodhi Giallorossët për pasionin e jashtëzakonshëm që kanë tifozët për klubin.

58-vjeçari do të kthehet në Serie A, në fillimin e sezonit 2021-22, marrëveshje që tashmë është konfirmuar nga të gjitha palët.

Ai vjen te Roma me një bagazh të jashtëzakonshëm, me 25 trofe të mëdhenj të fituar me klube si FC Porto, Chelsea, Inter, Real Madrid, Manchester United dhe Tottenham.

𝐎𝐅𝐅𝐈𝐂𝐈𝐀𝐋 🤝

The club are delighted to announce an agreement has been reached with Jose Mourinho for him to become our new head coach ahead of the 2021-22 season.
#ASRoma pic.twitter.com/f5YGGIVFJp

— AS Roma English (@ASRomaEN) May 4, 2021

Ai ka pranuar një kontratë tre-vjeçare dhe do të pasojë Paulo Fonsecan pas sezonit.

“Faleminderit familjes Friedkin për zgjedhjen time për të drejtuar këtë klub të shkëlqyeshëm dhe për të qenë pjesë e vizionit të tyre”.

“Pas takimeve me pronarët dhe Tiago Pinton, unë menjëherë kuptova shkallën e plotë të ambicieve të tyre për AS Romën. Është e njëjta ambicie dhe nxitje që gjithmonë më ka motivuar dhe së bashku duam të ndërtojmë një projekt fitues gjatë viteve të ardhshme”.

"After meetings with the ownership, I immediately understood their ambitions for Roma. Together we want to build a winning project.

“The incredible passion of the fans convinced me to accept the job. I can't wait to start next season. Daje Roma!"

💬 – 𝑱𝒐𝒔𝒆́ 𝑴𝒐𝒖𝒓𝒊𝒏𝒉𝒐

— AS Roma English (@ASRomaEN) May 4, 2021

“Pasioni i pabesueshëm i tifozëve të Romës më bindi që të pranoj punën dhe mezi pres të filloj sezonin e ardhshëm”.

“Ndërkohë, unë i uroj Paulo Fonsecas të gjitha të mirat dhe shpresoj që media të vlerësojë vendimin që unë do të flas më tej në kohën e duhur. Daje Roma!”, ka shkruar Mourinho. /Telegrafi/