Filmi “Twist” me protagoniste Rita Orën në rol kryesor do të publikohet më 29 janar

Këngëtaren shqiptare me renome botërore, Rita Orën, fansat e saj do të kenë mundësinë që ta shohin sivjet edhe si aktore.

Kjo pasi ajo është pjesë e kastit të filmit “Twist”, i cili është xhiruar në fund të vitit 2019 dhe në fillim të vitit 2020.

Filmi tashmë ka një datë të saktë publikimi dhe ajo është më 29 janar.

Këtë lajm e ka bërë të ditur vet Rita, teksa ka rishpërndarë në InstaStory një postim të Jason Maza, i cili është një nga producentët e filmit.

Bëhet fjalë për një artikull të ‘Total Film’ ku shkruhet shkurtimisht përmbajtja e filmit dhe data e publikimit, e cila është zyrtare tashmë më 29 janar.

“’Twist’ është duke ardhur shumë shpejt. Faleminderit për këtë rishikim të mrekullueshëm”, ka shkruar Rita Ora në në InstaStory.

Filmi “Twist” përndryshe është një përshtatje e re e romanit të Charles Dickens, e sjellë në mënyrë drithëruese nga ‘Sky Cinema Original’, ku në zemrën e mbushur plot të Londrës moderne, një grup të rinjsh të zgjuar rrugësh planifikojnë vjedhjen e shekullit.

Në këtë film, Rita do të luajë rolin e mikes së ngushtë të Oliver Twistit, Artful Dodger. /Telegrafi/