Ministri i Mjedisit dhe Planifikimit Hapësinor, Ferid Agani, dhe rektori i Kolegjit UBT, dorëzuan sot certifikatat për 15 administratorët parë për administrimin e ndërtesave në bashkëpronësi.
Me këtë rast, ka filluar dhe zyrtarisht zbatimi i Ligjit Nr.04/L-164 për Ndërtesat e Banimit në Bashkëpronësi.
MMPH, me anë të thirrjes publike, ka autorizuar UBT-në, si institucion i lartë arsimor, për të trajnuar dhe certifikuar të interesuarit për të ushtruar rolin e administratorit.
“Me miratimin e Ligjit për ndërtesat e banimit në bashkëpronësi, nga ana e Kuvendit të Republikës së Kosovës, është hapur një etapë e re për menaxhimin e fondit banesor, me ç’rast janë definuar të drejtat, detyrimet dhe përgjegjësitë e pronarëve në ndërtesat në bashkëpronësi ku përveç tjerash janë krijuar para kushtet mbi menaxhimin e qëndrueshëm dhe efikas të Objekteve Banesore të cilat janë në pronësi të përbashkët. Në kuadër të këtij ligji Ministria ka hartuar dhe aprovuar të gjitha udhëzimet administrative për funksionalizimin e këtij ligji”, ka thënë ministri Agani, gjatë një punëtorie që është mbajtur në Kampusin e UBT-së në Lipjan.
“Politikat e Banimit janë ndër faktorët esenciale për zhvillimin social, ekonomik të vendit, andaj Ministria në zhvillimin e politikave për banim të qëndrueshëm, përmes Kornizës ligjore ka krijuar mekanizma të cilët do të ofrojnë zgjidhjen e kushteve adekuate dhe ngritjen e cilësisë së banimit për të gjithë qytetarët”, shtoi Agani.
Sipas tij, në periudhën e mëhershme zhvillimi, ndërtimi, financimi, pronësia, dhe shfrytëzimi i objekteve banesore, gjegjësisht i fondit banesor, kanë qenë kontribut i përbashkët i ndërmarrjeve shoqërore dhe të punësuarve në këto ndërmarrje. Pronarë të objekteve të banimit, gjegjësisht të banesave, kanë qenë vetë ndërmarrjet apo institucionet tjera shoqërore -shtetërore.
Tani me ligjin e ri, pronarët të ndërtesave në bashkëpronësi iu jepet përgjegjësi që të vendosin mbi menaxhimin e pronësisë së tyre të përbashkët duke krijuar Bashkësinë e pronarëve, dhe me anë të kontratës lidhin marrëveshje me administratorët e certifikuar për të administruar ndërtesat në bashkëpronësi.
Ai pret që administratorët të ndikojnë në përmirësimin e jetës së qytetarëve në ndërtesat në bashkëpronësi.
Rektori i UBT-së, Edmond Hajrizi, ka treguar se trajnimi për kandidatët ka në nëntor të vitit 2015 dhe se pjesëmarrës kanë qenë 15 kandidatë. “Kriter ka qenë 70 %, prezenca në trajnim që të këtë mundësi të hyjnë në provim”, tha Hajrizi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Rafuna në Washington nënshkruan një akt për bashkëpunim me Shtetet e Bashkuara në fushën e turizmit
CineStar feston ditëlindjen e parë më 1 dhe 2 Qershor – bileta për të gjithë filmat vetëm 1,90€
Këtë të premte hapet Festivali i Turizmit “Peja Outdoor Tourism Festival”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251